lunes, 12 de noviembre de 2018

(Aruba) 61 mil ayaca na 2016 ta ekivalente na 1 ayaca na 2018

Economia di Venezuela ta asina masacra cu si compara aña 2016 cu 2018 por wak con e cosnan a cambia.
Por ehempel, na 2016 cu loke por a prepara un ayaca e aña aki, na 2016 por a traha 61 mil ayaca.
E ayacanan cu tabata un plato tradicional ariba mesa di mayoria di e venezolanonan, awor por bisa cu a pasa pa olvido, ya cu e prijs di e productonan pa su elaboracion ta excesivamente halto.

Cu e placa cu awendia por traha un (1) ayaca, dos aña pasa por a traha un promedio di 61.104 unidad.

Prepara un plato di esakinan awendia ta costa rond di 685,40 soberanos, loke pa e tempo aya tabata representa e cantidad di 68.540.000 BsF.

Actualmente e ingredientenan pa e ayacanan ta wordo haya pa:

Kilo di alcaparra 4.500 soberanos

Kilo di aceituna: 4.500 soberanos

Rasenchi: 4.000 soberanos

Kilo di galiña: 1.090 soberanos

Kilo di blachi di banana: 60 soberanos

Asina tristo y dificil e situacion na Venezuela a bira cu, por ehempel, un telefon celular ta casi mescos cu cumpra un auto. Asina ey por sigui menciona mas ehempelnan.

Ainda na Aruba, cu a adopta e tradicion aki for di nos pais bisiña, por sigui traha e ayacanan pa fin di aña. Ayacanan ta sigui wordo sirbi pa Pasco y fin di aña, y ainda algun otro fecha durante aña.

Aworaki, na Venezuela parce a casi imposible traha un ayaca pa motibo di e prijs cu esaki lo costa.

E venezolanonan cu a emigra ta buscando tur manera pa mantene e tradicion bibo. Nan mes ta traha e ayacanan na nan cas na otro paisnan of ta sali riba caya pa busca unda por cumpra. Ta hopi e venezolanonan cu a emigra, por ehempel na Merca, Colombia incluso Hulanda, cu a lanta nan propio negoshi pa entre otro ofrece e famoso arepanan, pero sigur pa e temporada aki di fin di aña, e ayacanan no lo por falta.

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...