jueves, 18 de octubre de 2018

Censo na Aruba a nota un aumento den casamento cu muhernan Venezolano

Desde cu e crisis social y economico na Venezuela a escala, Censo y Registro Civil na Aruba a bin nota un subida drastico di localnan cu ta casa cu muhernan Venezolano. Hunto cu tur e casamentonan cu ta tuma luga na Censo, ta bin su tras hopi divorcio. Por mira esaki den cifra cu Registro Civil ta dispone di dje.

Sharin Luydens, directora di Censo a splica cu e cifranan di divorcio por lo general ta 50%. E cifra aki a subi desde cu e crisis economico y social di Venezuela , Censo ta haya un subida drastico, mas tanto di hende homber cu ta casa cu e muhe Venezolano.


Peticion pa inscripcion di hombernan Hulandes naci na Aruba of hendenan cu tin permiso aki caba, cu ta casa cu e hende muhe di e pais Venezuela. Esey a subi drasticamente desde cu e problema na Venezuela a escala.

Luydens a sigui splica cu mayoria di tur e peticionnan aki, e persona no tin permiso. E no a biba na Aruba, e no tin permiso. E pareha a conoce otro despues di dos of tres luna y tin fuerte indicacion cu e instituto, cual ta uno importante cu a worde traha crea un famia hunto, ta worde mal usa pa haya estadia na Aruba.

Un problema cu tin di haber cu maneho di stranheria of problema di estadia, ta bira un problema awor aki cu Censo ta sinta cun’e.

Por introduci manera otro paisnan den reino, un condicion caminda cu por casa, pero pa bo trece e persona, bo mester por mantene bo mes, prome cu por bisa cu ta trece persona. Y si bo tin pensa di trece yiunan acerca, cu bo por mantene e yiunan aki tambe. Sino ta e sociedad lo tin cu mantene nan.

Registracion pa schijnhuwelijk toets:

E fecha di registracion pa e schijnhuwelijk (matrimonio ficticio) toets pa awor aki ta core te na April 2019, ta pasobra tin un mal uso di e instituto. Pasobra si tabata trata di hendenan cu ta casa pa e motibonan real, no tabata tin e problema aki.

Luydens a splica kico Censo ta haya como problema y kico ta encera e detayenan aki. Censo no ta kere cu mester bay pone mas personal pa un problema cu ta sinta un otro caminda.

Sociedad mester paga pa mas personal pa bay haci toetsnan caminda cu claramente e instituto ta worde abusa di dje, pa otro motibonan. E motibo ta toelating esta admision. Eynan mester bay concentra riba e problema ey.

Tur cos ta depende. Tin caso cu ta wak facilmente bo por wak. Personanan tin yiu cu otro of ta biba riba e mesun adres, ta haya contesta practicamente mesora. Bo ta wak cu nan tin un bida familiar.

E otronan por dura seis luna, of kizas te nuebe luna. Si nan bay corte, e por dura hopi mas largo, segun Luydens.

Fuente: https://www.diario.aw ->> Ir

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...