miércoles, 26 de septiembre de 2018

(Aruba) Diario: CITGO a bira crucial den guera friu

Aruba ta forma parti di e escenario di un guera friu entre e aliansanan di paisnan comunista y mundo liber. Venezuela a reemplasa e crisis internacional di añanan 60 ora Cuba a bira un baluarte comunista dilanti Merca. CITGO ta e instrumento grandi cu Venezuela tin contra Merca riba teritorio Mericano. Crystallex a evita cu na e momento aki Rusia of China por podera di e totalidad di accionnan den CITGO loke lo tin resultado directo pa e refineria na Aruba y comunidad Arubano.

Ora DIARIO a lansa su prome advertencianan serio riba e resultadonan cu e acuerdo di CITGO por tin pa Aruba, e matutino di Aruba tabata consciente di problemanan serio cu por a presenta. Awor e situacion regional y internacional ta alcansa un cumbre y Aruba informa su mes bon.

Informacionnan experto cu DIARIO a ricibi ayera ta indica, cu e motibo cu mundo liber a haci tur loke ta den su alcance pa evita cu e mayoria di accionnan keda den man di PDVSA ta bira visibel pa publico general.

Manera DIARIO a splica na varios ocasion, 49 porciento di CITGO ta den man Ruso y 51 porciento tabata den man di PDVSA cu cualkier momento por a entrega e parti aki tambe na Rusia of na China.

Informantenan a mustra DIARIO cu for di juli di e aña aki, China tabata tin derecho di ricibi 28 porciento di e produccion petrolero di PDVSA. Cu e ultimo acuerdonan cu Presidente Nicolas Maduro, e poder financiero Chines na Venezuela a aumenta y esey lo a haci posibel pa China podera di e 51 porciento di accionnan cu tabata di PDVSA den CITGO si e kier.

Ora Hues na Merca a dicidi cu Crystallex por a confisca e 51 porciento di accionnan den CITGO a base di debe Venezolano na e compania, a evita cu CITGO lo a bira un instrumento di Rusia, China, Venezuela na Merca mes.

Si na cualkier momento resulta cu Corte Superior na Merca no sostene e decision di Hues den prome instancia y Crystallex mester deshaci di e posibilidad pa confisca e accionnan di PDVSA den CITGO, PDVSA ta keda cu e accionnan of un di su aliadonan ta dicidi pa haya parti di CITGO cu ainda no ta den man di Rusia.

DIARIO ta compilando mas informacion riba e desaroyo importante aki. Hecho ta cu Aruba dor di su contracto cu CITGO ta parti di e escenario regional y mundial cu a desaroya e ultimo dianan.

Fuente: http://www.diario.aw ->> Ir

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...