domingo, 9 de septiembre de 2018

(Aruba) CITGO por hiba gobierno colors

Si Gobierno tarda, e por perde e arma legal cu e tin contra CITGO. Awor aki Gobierno por demostra den Corte cu CITGO a hiba Aruba den un situacion cu CITGO legalmente no por mara su mes na ningun compromiso ya cu CITGO no tin autoridad financiero riba su mes. Si Corte Mericano kibra e decision cu Crystallex por confisca CITGO, e compania ta keda liber den man di PDVSA.

For di momento cu Aruba a firma e contracto cu CITGO, Aruba a mara su mes pa durante 25 aña CITGO por huur e terenonan di refineria . E contracto ta pa 15 aña pero por ser extendi cu 10 aña mas.

Ora Gobierno anterior a presenta e proyecto di CITGO a bisa cu a investiga e resultadonan cu e proyecto lo por tabata tin riba tereno social economico na Aruba y tambe pa medio ambiente. Con e investigacion a ser haci tabata pregunta di instancianan local y internacional cu e pone e contracto entre e propiedad di Gobierno Venezolano (CITGO) y Gobierno di Aruba na duda.

Ya na 2014 Chavez a trata di bende CITGO pero no por a haya placa pa e compania. Situacion financiero di Venezuela tabata hopi malo y durante negociacionnan entre CITGO y Gobierno di Aruba, CITGO a bira borg di e compania di estado Ruso, Rostnef.

Aruba tabata conoci cu e problemanan financiero di Venezuela cu ta motibo cu e proyecto na Aruba no por continua.

Si Gobierno dicidi cu e actual situacion cu Aruba ta aden no por continua, e no por kibra su contracto cu CITGO basa riba e problemanan financiero di Venezuela.

E unico opcion cu Gobierno di Aruba tin pa kibra e contracto ta di demostra cu e compania no ta legalmente den man di PDVSA mas pasobra 49.9 porciento ta borg di Rostneft y e mayoria di e accionnan den e compania ta den man di Crystallex cu a confisca e mayoria di e compania.

“Awor ta e momento pa Aruba actua,” informantenan a bisa DIARIO cu ta keda den buskeda di mas informacion.

Fuente: https://www.diario.aw ->> Ir

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...