jueves, 23 de agosto de 2018

(Aruba) Citgo parti di e era di gas di Venezuela

Ora papia di economia Venezolano, e prome pensamento ta bay pa petroleo. Sinembargo, ora papia di paisnan productor di gas, e pais ta na di ocho luga cu e reservanan mas grandi den hemisferio occidental despues di Merca. Te awor aki e produccion petrolero ta na prome luga den e economia Venezolano cu lo conoce cambionan importante.

E produccion di gas dor di Venezuela a haya atencion ora e acuerdo pa e refineria di Aruba a bira conoci.

E proyecto ta indica cu durante e rehabilitacion di e refineria di Aruba, lo introduci pipanan pa transporta gas natural for di Venezuela pa Aruba. E aspecto ambiental na Aruba lo tabata decisivo.

Ta resulta cu pa Venezuela uzo di gas lo ta importante den e esfuerso di e pais pa expande e comercio den gas. E compania estatal Ruso Restnof ta partner den e plan Venezolano pa mas exportacion gas di e reservanan enorme di Venezuela.

Rostnef ta partner comercial clave den negoshinan di azeta na Venezuela. Awor e ta ocupa un luga importante den e plannan di Venezuela pa duna mas contenido na mineria di gas

Acuerdonan cu Venezuela y Rostnef a alcansa fin di 2017 ta duna e compania estatal Ruso e posibilidad di negoshi cu produccion di gas riba lama.

Den e acuerdo firma entre Aruba y e subsidiario di PDVSA, Citgo, ta papia di un inversion adicional di 150 pa 200 Miyon Dollar Mericano pa yega na construccion di pipanan pa transporta gas for di Venezuela pa e refineria di Aruba.

E participantenan lo ta Citgo, Repsol di Spaña y ENI di Italia. E participacion di Citgo ta nifica cu e interes di Rosneft ta presente den e proyecto pasobra 49.9 porciento di Citgo ta borg pa debe Venezolano na Rusia.

Si e estado di refinerianan na Venezuela ta preocupante, a bira conoci cu Venezuela ta trata di mehora estado di su enorme tuberia di gas calcula na un largura total di 2.750 miya. Esaki ta facilita transporte di gas natural pa uzo domestico pero tambe a haci posibel e importacion di gas Colombiano pa consumo na Venezuela.

E envolvimento di Rosneft den mineria di gas y petroleo na Venezuela, ta ser vigila riba plan internacional. Na aña 2020, e compania Ruso lo mester dicidi si e ta encarga su mes definitivamente cu e produccion di gas pafo di costa.

Prome cu esey e lo por tuma un decision si e ta mantene Citgo como borg of ta haci uzo di e posibilidad pa bira un accionista importante di Citgo.

Pa Aruba, tur cos lo depende naturalmente di e garantia Venezolano pa por rehabilita e refineria na Aruba manera acorda originalmente.

Fuente: https://www.diario.aw ->> Ir

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...