viernes, 6 de julio de 2018

(Aruba) Autoridadnan Arubano ta lamenta e tragedia riba lama cu a costa bida di 2 Venezolano

Autoridad local a emiti un boletin Diahuebs atardi, mustrando cu e boto di placer cu tabata involucra den e tragedia riba lama, no a cumpli cu e documentonan oficial cu ta rekeri pa un boto por sali di un forma legal for di Venezuela.

Na momento cu e boto aki a yega Aruba e tabata den posecion di un zarpe falso (vertrekdocument di Venezuela). Autoridadnan na Aruba a constata cu e boto en cuestion tabatin documento falsifica (valsheid in geschrift) y a pone ministerio publico na altura.


Ministerio publico a pone na prome instante cu un multa mester worde paga, sinembargo mirando cu e capitan no tabatin e medionan financiero a dicidi e ora cu lo manda e boto back pa su punto di origen y no a permiti’e ‘klaar in’.

Prome cu e boto a sali for di Aruba, Directie Scheepvaart Aruba a revisa si e boto ta apto pa nabega. Den revision a constata cu e boto tabata cumpli cu tur e exigencianan entre otro: Suficiente combustibel, salbabida, suficiente awa y comestible.

Na su turno Kustwacht a acompaña e boto y su tripulantenan te ora nan a sali for di e awa territorial di Aruba. Esaki ta un proceso cu Kustwacht ta haci na tur ocacion, pa sigura cu e boto a sali for di nos awa territorial den un forma responsabel.

Despues cu e boto a pasa e awa territorial di Aruba, autoridadnan di e isla aki no ta responsabel mas pa loke por pasa.

Pais Aruba ta lamenta e tragedia aki y ta convivi cu e famianan di e victimanan. Palabranan di profundo condolencia y hopi forsa den e momentonan dificil aki na e famia di e fayecidonan.

Fuente: https://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...