(Aruba) A haya morto na Guajira Junior y Jonathan Ramirez cori for di Aruba cu e boto Canarey

Algun dia pasa nos a publica cu tin dos persona Venezolano cu a wordo saca for di Aruba algun ora despues cu nan a yega nos isla cu un boto Canarey. Aki ta trata di Jonathan y Junior Ramirez cu a bin trece e boto Canarey.
E boto a wordo cumpra na Venezuela dor di un persona di Aruba. Nan conoce Aruba pasobra nan tata mes ta capitan di otro boto Gaviota cu ta trece cosnan Aruba. Den e caso aki e boto a yega y mester a cana e proceso di Astec etc. Nan a klaar in na Imigracion y pasa e proceso di Douane. Sinembargo durante e proceso di investigacion di parti di Directie Scheepvaart a constata cu e boto a sali ilegal for di Venezuela.

E salida no tabata corecto segun e contacto cu autoridad di Aruba a haya for di autoridad Venezolano. E papel di zarpa no ta bon, y mas bien falsifica. Pesey mes despues di merdia a obliga ambos tripulante pa bandona Aruba cu e boto Canarey. Kustwacht a compañanan te den awanan Venezolano y despues nan a sigui nan caminda.

Famianan of conocirnan na Aruba kier a evita e salida di e boto pasobra nan no tabata tin suficiente combustible pa asina bay bek. Asina mes a insisti y saca nan for di Aruba.

E rol di Kustwacht tabata pa garantiza cu nan ta sali di nos awanan. Despues di esey e famianan a cuminsa preocupa pasobra nan no a yega Venezuela. A kere cu Guarda Costa Venezolano a atende cu nan. E famia a tuma contacto cu Guarda Costa Venezolano pero aki tampoco por a haya informacion.

Famia na Aruba a yama Guarda Costa na Aruba y eynan a wordo bisa cu nan a wordo acompaña pero ningun momento a pasa nan pa Guarda Costa Venezolano. Mas bien nan a sigui nan rumbo den awanan teritorial Venezolano.

Finalmente dianan a pasa y no a tende nada mas di nan. Te cu diaranzon a bin topa dos curpa cu a yega na e beachnan of oriya banda di Punta Espalda na Alta Guajira. Piscadornan a topa cu e dos curpanan.

Prensa Colombiano a pone e publicacion riba nan rednan social y e informacion a yega mesora tambe na e famia na Venezuela. E tata Juan a reconoce ambos yiu. Un sla fuerte pa e famia y conocirnan na Venezuela y Aruba. Mester bay haci un investigacion pa profundo localmente tambe riba e caso aki.

A saca nan manda nan bek pero mester a check si tur cos tabata ok pa nan por a yega Venezuela. Ademas e boto a wordo treci Aruba pasobra su doño nobo tabata na Aruba. Tabata tin hasta documento legal cu e boto a wordo bendi.

Awor nan a yega Aruba y a constata un cos incorecto y saca nan bek for di waf pa awor haya ambos morto na costa den un estado di descomposicion. Esaki ta e fotonan y informacion publica riba rednan social na Colombia. Un sla fuerte pa famia.

Fuente: https://www.diario.aw