miércoles, 16 de mayo de 2018

Conoco Phillips a pone beslag riba Tankeronan Atlantic Lily y Grymstad na Aruba

E asunto di Conoco Phillips y caso di arbitrahe a yega Aruba tambe. Tur esnan cu tin relacion cu PDVSA por conoce beslag riba loke PDVSA saca for di Venezuela. Na Bonaire el a pasa y tambe na Curacao nan ta man na cabez cu e refineria. Asina mes nan ta keda positivo. Mientrastanto a pone beslag tambe riba crudo cu ta pasa Aruba.

Na Aruba barco ta descargu’e den tanki .

Den tanki ta saca e awa for di e azeta crudo. Ora e azeta ta seco sin awa ta hink’e den otro barco of mesun barco y manda Merca pa e refinerianan di CITGO.

E barco Grymstad a drenta diadomingo anochi cu 500 mil bari di crudo destina pa CITGO. A cuminsa descarga pero a suspende esaki riba ordo di abogado. Abogadonan di Conoco Phillips a usa deurwaarder local y abogado pa representa nan na Aruba.

Nan a pone beslag tambe riba un otro tankero, Atlantic Lily, cu a trece Jet Fuel, Diesel y Gasolin pa RdA .

A baha solamente e carga destina pa RdA pa consumo local. E barco aki ta ancra awor pafo di Aruba pero den beslag. E ta den anker area di nos awa teritorial.

E barco Atlantic Lily tin algo mas cu un siman y mey caba den beslag. Ainda tin 7 cargacion di crudo mas cu mester bin pa CITGO pero awor mirando e situacion, e chens ta grandi cu ta stop esaki.

Esaki pa motibo di e situacion tenso entre Conoco Phillips cu PDVSA. Esaki ta despues di e sentencia di arbitrahe cu a tuma lugar. E embargo ta basa riba incumplimento di PDVSA cu Conoco Phillips.

Cos ta pintando scur e momentonan aki. Pa loke ta e situacion local nos no tin problema. No tin motibo pa conoce problema pa Aruba cu Gasolin, Diesel of Jet Fuel. Esey ta cosnan cu lo wordo regla y lo sigui normal.

Entre e trahadornan mes ningun hende sa kico ta pasando. Paden cos ta keto y no tin problema cu cobramento di salario.

Fuente: https://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...