martes, 10 de abril de 2018

Aruba tambe tin cu prepara si en caso tin exodo grandi di Venezolano for di nan pais

Otro aspecto cu a wordo trata na Curacao durante e reunion di Reino Hulandes, tin di haber cu Venezuela su situacion interno y paisnan cu ta preparando nan mes pa si acaso tin un exodo grandi di Venezolano for di Venezuela.

Asina Prome Minister mr. Evelyn Wever-Croes a duna di conoce den conferencia di prensa, dialuna awor.

Den e cuadro aki tabata presente e Minister di Relacion Exterior, ken a duna Aruba asistencia tecnico y den kico cu nos pais mester, pero no a bin acerca asistencia financiero pasobra gobierno mes ta trahando riba dje hunto cu minister di Finanzas.

Pa loke ta trata e tema aki a keda palabra cu Minister Blok, cu Aruba ta bay revisa su procesonan na Aruba y lo haya asistencia tecnico di Hulanda pa esaki tambe.

Hulanda su posicion den esaki ta hopi cla, y e dignatario ta comparti esaki cu Reino. Hende cu yega Aruba y keda pa un tempo defini mester tin status legal. E bishitante ta drenta como turista y despues cu e tempo concerni pasa e tin cu abandona Aruba, mescos cu den otro paisnan.

Na momento cu un persona bin Aruba pero cu no ta bin den plan di turista, ni cu un permiso pa traha, sino cu nan ta teme pa nan bida, eynan por papia di hende cu ta busca asilo.

A base di tratadonan internacional ora ta trata di un persona cu ta pidi asilo politico, e ora ey mester trate segun e procedimento di e tratado.

Asilo politico ta ora cu un hende ta tema pa su bida pa motibo di persecusion politico, y den e casonan ey e tratado ta duna cierto proteccion, pero ta masha poco hende ta cay bao di e categoria aki.

Mayoria di hende ta bin pa motibonan economico y Aruba como pais, no tin e obligacion pa duna e proteccion bao di e tratado.

E posicion di Hulanda cu esaki ta cu mester haci un distincion hopi lihe ora nan yega, cual persona ta cay bao asilo politico y cual no. Pasobra solamente esnan cu ta bin cu asilo politico, tin cu bay duna proteccion bao e tratado y e otronan no.

E otronan si no tin un status legal di un manera of otro tin cu bolbe bek nan pais, e dignatario a enfatiza.

Esaki ta e posicion aworaki riba cual a delibera, segun Prome Minister a subraya, y Aruba ta bay sigui haci su esfuerzonan y gobierno lo sigui traha riba un plan, pa si en caso e situacion ta sali for di man na Venezuela pa sigui den deliberacion cu Hulanda, y Merca tambe a ofrece ayudo pero nan kier mira prome kico Hulanda ta haci. Hasta Union Europeo a ofrece ayudo y eynan sr. Aruba su representante sr. Eddy Paris ta haciendo su parti di e trabao y Aruba tin cu mira con nos mes ta bay financia esaki. E dignatario a expresa cu Aruba no tin placa ni pa yuda su mes, corda pa yuda un pais asina grandi y asina tanto hende. “Nos prioridad ta bienestar di nos pueblo, nos prioridad ta nos hendenan pasobra si nos no ta take care di nos ningun otro hende lo haci esaki pa nos”, e dignatario a conclui e tema aki.

Fuente: https://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...