lunes, 26 de marzo de 2018

(Aruba) PDVSA lo bay shut down tres refineria na Venezuela

E agencia Platts encarga cu informe di energia, a splica cu PDVSA ta cla pa bay shutdown tres refineria riba e pais. Ta trata aki di refineria na Cardon cu tabata procesa 310.000 bari pa dia, tambe refineria na Puerto La Cruz cu tabata procesa 187.000 bari, y tambe refineria El Palito cu tabata procesa 145.000 bari pa dia.

Segun Platts, PDVSA lo cera 3 di su cuatro refinerianan grandi pa tempo indefini, debi cu nan tin scarcedad di crudo pa procesa, y tambe debi cu e compania nacional di petroleo no tin suficiente trahador experto pa opera e plantanan. Esey ta loke fuentenan den Sindicato a laga sa.

Ta mustrando cu e refinerianan na Cardon, Puerto La Cruz, y El Palito lo cera den simannan venidero. Ehecutivo di Sindicato, Ivan Freites a bisa cu e refineria na Cardon lo wordo usa solamente pa produci lubricante como parti di e logistica di PDVSA pa e suministro di combustible pa mercado nacional.

PDVSA lo sigui opera e refineria na Amuay unda e lo concentra personal specializa den refinamento y e crudo cu tin disponible pa procesa.

E problema cu PDVSA ta confronta ta cu specialistanan di refineria ta bandonando e pais na gran escala. Nan a bay otro pais unda nan ta haya salarionan mas halto, y por hiba un mihor calidad di bida.

Por lo menos 4 miyon hende (como 15% di poblacion Venezolano) a bandona e pais debi na e crisis economico serio cu ta azotando e pais.

Segun Sindicato, como 70% di Plant Operators, y tambe 75% di Process Engineers a entrega nan retiro na PDVSA.

E cuatro refinerianan grandi di PDVSA na Venezuela, ta operando bao di capacidad y ta confrontando hopi problema di mantenimento. Esaki a forza e pais pa cuminza importa productonan rafina.

Por ehemplo, dos siman pasa dia 15 di Maart, e centronan di rafinamento na Paraguana di PDVSA di 950.000 bari pa dia, tabata operando cu apenas 267.000, pues solamente 28% di capacidad. E centronan aki ta inclui e refineria di Amuay y esun di Cardon. E ta inclui e planta di asfalt Bajo Grande cu tabata cera desde 6 di November aña pasa debi na daño na un forno.

Diaranzon siman pasa, esta 21 di Maart, e Refineria di Puerto La Cruz ta operando cu solamente 50.000 bari pa dia, cu ta como 26.7% di su capacidad.

E refineria di El Palito tabata operando de vez en cuando pa periodonan cortico, solamente ora cu tin crudo liviano pa procesa. Aworaki mes e ta paraliza. Pa colmo, refineria di El Palito no tin forma pa genera coriente riba su mes, y ta depende di e sistema electrico di e pais cu tambe ta pasando den crisis severo. Pesey PDVSA a bisa cu nan lo no manda crudo mas pa El Palito, significando cu e lo wordo cera pronto.

Fuente: https://www.diario.aw - (PULSE AQUÍ)

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...