Parlamentario Endy Croes a indica cu Prome Minister a duna un splicacion den su totalidad, y di eynan Parlamento a haya oportunidad di haci pregunta, y un total do 70 pregunta a bin dilanti.
El a agrega cu den parti di e aclaracion aki a papia cu OFAC (Office Foreign Assets Control) di Merca, cu ta esnan cu a pone sancion y prohibi, entre otro, pa Citgo yega na financiamento pa por sigui cu su proyecto. El a subraya cu un bez cu nan tin e leve sospecho cu cualkier actividad economico cu placa presta na Citgo por “end up” na Venezuela, ta e motibonan pa cual a pone e sancion aki.
Prome Minister indica na Parlamento di dicho departamento el a wordo informa cu esaki no tabata algo inespera pasobra Citgo tambe tabata na haltura cu respecto esaki.
Algo positivo di esaki ta, cu por fin Parlamento na un manera oficial a ricibi gran mayoria di e documentonan, entre otro e quick scan cu a wordo haci for di September 2015 y cu a wordo scondi pa Parlamento cu gran parti di e papeleeria y documentonan di e contrato, na unda cu corectamente e lider di fraccion di MEP a pidi un suspension pa nan por studia e documentonan aki y di e manera ey pa dentro di un siman bolbe yama un reunion pa continua cu e reunion aki di CITGO.
Asina lo por informa tanto Parlamento como nos comunidad na unda nos ta para awe.
E parlamentario a referi tambe na e debate cu tabata tin entre su colega Rocco Tjong y Bosman na radio, siman pasa, y cu na Januari Bosman hunto cu otro di su coleganan di Parlamento a bay saca potret pafo di Citgo, hungando e papel cu nan no ta na haltura di mucho cos.
Parlamentario Endy Croes kier a laga bon cla cu tanto CAFT como Gobierno di Hulanda y Tweede Kamer ta completamente na haltura di e asunto di Citgo y mayoria di nan a sconde, entre otro, e Quick Scan cu a bisa hopi.
E Minister di Hulanda a bisa cu nan a forza gobierno di Aruba pa CAFT analiza henter e contrato cu Citgo y tin documentonan cu Aruba nunca a haya, entre nan e Quick Scan.
E minister Hulandes, a priminti Tweede Kamer di Hulanda pero no di Aruba cu e lo duna tur informacion manera cu el a ricibi for di CAFT relaciona cu Citgo.
Croes a subraya cu e ta sinti cu tin hopi bulamento di pipa, tanto di CAFT como di Hulanda, y e documentonan cu parlamento a ricibi ta oficial y eynan ta bisa cu nan tambe mester carga parti di responsabilidad den e proceso aki.
Fuente: https://www.diario.aw
No hay comentarios:
Publicar un comentario
Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.