jueves, 25 de enero de 2018

(Curazao) Banko Sentral a pone beslag riba kuentanan offshore di Venezuela

Kenneth Gijsbertha
Poko poko ta saliendo na kla e motibu ku Presidente di Venezuela Sr Nicolas Maduro a rekurí na embargo kontra Islanan ABC. Manera ta konosí su promé embargo tabata pa un espasio di 72 ora. Despues a surgi otro 72 ora mas. Na momento ku esaki tabata aden a tene un reunion ku karakter di urgensia na Aruba. Den e reunion aki a partisipá mandatarionan di tantu Aruba, Boneiru komo Kòrsou.

Di mes huntu ku esnan ku a keda manda pa Nicolas Maduro. Den e reunion aki a trata entre otro kontrabanda di produktonan ku ta Sali di Venezuela pa e islanan aki. Dado momentu despues dje reunion Venezuela a laga sa ku hinter e asuntu a normalisá, pero despues ta surgi tòg un situashon ku nan a duna di konosé ku e embargo ta pa un tempu indefiní. Di aya bandanan Union Oropeo a dal Venezuela un gòlpi fuerte ora dor di tuma medida kontra 7 alto ofisial di nan. E medida aki di parti Union Oropeo a trese kuné ku Venezuela a reakshoná di forma fuerte kontra nan. Venezuela ta d opinion ku union Oropeo a tuma e medida aki pa sirbi interes di Merka.

Nan a pidi Union Oropeo pa lanta e medida tuma kontra dje 7 alto funshonarionan aki. Pa bin bek na Kòrsou, mester bisa ku rumornan ta insidente kiko ta e motibu real ku Presidente Sr Nicolas Maduro lo a tuma we medidanan kontra dje Islanan ABC. Segun informashonnan risibí ta asina ku Banko Sentral lo tin beslag riba kuentanan offshore di Venezuela. Esaki ta e rumornan ku ta sirkulando. Redakshon di Vigilante a trata na drenta den kontakto ku Minister di Finansa Sr Kenneth Gijsbertha, pero no a logra hañ’é na telefon. E rumornan ta insidente ku esaki ta lokual ku lo a hasi Sr Nicolas Maduro furioso.

Tambe a bin na konosementu di Vigilante ku lo tin un tanker venezolano na kadena. Parse ku den e tanki aki tin krudonan i ku e ta na kadena. Kon leu e 2 puntonan aki ta basa riba bèrdat nos no sa i ta pa tal motibu nos a drenta den kontakto ku Sr Kenneth Gijsbertha pa nos por risibí mas informashon al respekto. Lokual ku si redakshon di Vigilante por bisa ta ku na nivelnan internashonal tin medidanan ku lo ser tuma kontra sigur Sr Nicolas Maduro. Ta asina ku OEA a entrega un keho ofisial kontra su Gobièrnu na Korte Internashonal ku ta situá na Hulanda. U e paso aki OEA kier pa trese Sr Nicolas Maduro na huisio pa e forma ku a mata Oscar Perez, segun informashonnan ku nos por a tuma nota di dje. Tumando na kuenta di tur e desaroyonan aki ku ta tumando lugá na Venezuela nos por bisa ku tur lo tin reperkushon pa Islanan ABC ku ta dependé hopi di lokual nan ta importá.

Pa Kòrsou sigur mas ainda, tumando na kuenta ku PDVSA ta run Refineria Isla kua ta un ardu mayor di nos ekonomia. Den transkurso dje di awe nos lo bolbe trata na drenta den kontakto ku Minister Sr Kenneth Gijsbertha. Nos lo sigui e desaroyonan di aserka pa por mantené nos lektornan debidamente bon informá.

Fuente: Con información de http://www.vigilantekorsou.news - (PULSE AQUÍ)

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...