miércoles, 10 de enero de 2018

(Aruba) Samenwerking y consenso den Reino ta necesario pa paak aan e situacion cu Venezuela

Parlamentario Ricardo Croes, di fraccion di RED, pa prome biaha ta participa den un reunion interparlamentario di Reino Hulandes. Dialuna, den entrevista cu nos redaccion, Ricardo Croes a expresa cu e reunionnan di Parlamentonan di Reino Hulandes ta hopi importante.

Reino Hulandes ta existi pa hopi aña caba y hopi biaha el a yega di scucha cu e relacion entre e partnernan den Reino no tabata bon y a tende hopi keho.


Croes ta haya importante pa den Reino tin un bon relacion, y consenso entre e paisnan. “Nos tin diferente aspecto en comun, entre otro Aruba, Curacao y Bonaire tin nos lenga en comun y tambe nos historia pero tambe nos sistema tin hopi aspecto di Hulanda.

“Si nos kier logra, entre otro, un tema cu nos ta bay trata di seguridad mirando e situacion di Venezuela, esaki ta acapara di biaha Aruba, Curacao y Bonaire pareu, y esaki ta mustra caba e necesidad di tin consenso y samenwerking, riba entre otro, riba e tereno aki”, Ricardo Croes a expresa.

El a agrega cu consenso y samenwerking ta necesario pa wak con pa resolve, preveni y paak aan e situacion cu nos tin na e momentonan aki.

RED ta mira CAFT cu dos bril:

Cambiando di tema a toca e punto di intervencion di Hulanda den nos asuntonan financiero, y specificamente e ley CAFT cu a impone riba nos Isla. Riba un pregunta al respecto, Parlamentario Ricardo Croes a indica cu RED ta mira esaki cu dos bril.

Uno cu nan ta haya un lastima cu Aruba su gobernantenan, desde cu nos Isla a haya su Status Aparte, no a percura pa un maneho financiero transparente y stabil. “Esaki no ta algo cu Hulanda a haci, pero cu nos mesun gobernantenan a haci. Y mirando e rol cu Hulanda ta hunga, principalmente den Reino Hulandes, ami si ta compronde. Y e ora ey mi ta bisti e otro bril, y mi ta haya ta bon cu tabata tin un otro poder, cu por a pone un control asina aki”, E parlamentario di fraccion di RED a expresa.

El a enfatiza cu asina aki Aruba no por a sigui, y si no tabata tin Hulanda of cualkier areglo den Reino cu por a pone un presion asina riba Gobierno di Aruba pa drecha su finanzanan, e tabata preocupa unda nos lo tabata awo. Ta danki na e CAFT aki, Aruba a tuma un otro direccion.

“E ta parce berdad cu nan ta haci nos bida dificil, pero ta nos mes a haci nos bida dificil. Anto mustra dede riba otro no ta libra nos di nos culpa. Prome cu Hulanda a tuma e decision aki ta nos tabata maneha nos finanzanan y no Hulanda tabata maneha esaki. Primeramente nos tin cu wak na cas y wak pa nos bay dreche awor, y esey ta locual e gobierno aki ta purbando di haci, cu areglonan cu nos ta haciendo, leynan cu ta cambiando, pasobra manera nos tabata y ta bayendo te cu September, nos no por a sigui asina ey”, Parlamentario Ricardo Croes a declara.

Fuente: https://www.diario.aw - (PULSE AQUÍ)

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...