martes, 19 de diciembre de 2017

(Aruba) Raad van Advies a adverti Gabinete Eman riba e riesgo di conta cu entrada di Citgo

Parlamentario Edgar Vrolijk, den conferencia di prensa di e fraccion di MEP, Dialuna mainta, a comenta cu falta ocho dia so pa nos celebra Pasco di Nacemento, pero asina mes nos tin cu biba cu e realidad.

E realidad aki ta un caos financiero cu e gobierno cu a baha a hereda pa e Gabinete nobo, segun por deduci for di e declaracionnan di e parlamentario awe.

El tambe a elabora riba e presupuesto supletorio cu lo mester wordo trata sea awe of mañan. E parlamentario a subraya cu pa motibo di falta di transparencia y madurez politico, awe ta topa cu un presupuesto supletorio cu ta bastante irealistico.

El a reitera cu e presupuesto aki lo no yega na e 0.5% di deficit cu ta 25 miyon florin, manera e Comision di Supervision Financiero “Caft” y tambe Raad van Advies a premira.

Tambe el a reitera cu e gobierno anterior pa hopi aña a papia di sostenibilidad y durabilidad, mientras cu Caft ta menciona bon cla cu no tabata tin un maneho sostenible y e ta pidi e gobierno actual pa hiba un maneho berdaderamente sostenible pa tin un maneho di finanzas duradero.

El a señala cu e mesun gobierno anterior riba un Diahuebs Santo, na 2013, a firma un acuerdo cu tur hende a critica, den cual a compromete na trece cambionan pa structura e finanzanan publico.

Di 2013 pa 2017 a firma e acuerdo di trece un presupuesto balansa, y a acepta e Colegio di Curator pa duna nan conseho y yuda nan mehora e finanzanan publico.

Sinembargo, ora di topa e realidad Raad van Advies, na Augustus 2017 kiermen cuater luna pasa, a bisa bon cla cu e deal cu gobierno a firma cu Citgo tabata algo peligroso.

Nan a bisa cu 73 miyon florin lo drenta caha di gobierno, a base di locual tin den e settlement agreement. Pero Raad van Advies cu entre Augustus y September 2017 Citgo mester a cuminza opera, pero keto bay esey no a pasa.

RvA a adverti cu ta hopi riesgoso pa pone esaki riba presupuesto en caso cu nan no por cubri.

Ademas di esaki tin 50 miyon di belasting y 30 miyon di loonbelasting di Citgo cu tampoco a drenta caha di gobierno ni 20 miyon di BBO.

Fuente: Con información de https://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...