Minister Croes ta trata temanan laboral, temanan di contratistanan local, pero obviamente ta sigui e noticia aki di cerca, pasobra kier pa loke ta pasando na Citgo of na Venezuela, no tin ningun consecuencia pa e proyecto di rehabilita, upgrade of inverti den e rehabilitacion di e refineria den su modalidad di upgrader.
Kier pa e proyecto continua, por lo cual ta spera cu kico loke kisas loke a pone e proyecto aki tarda, ta e hecho cu kisas, manera e hendenan ta wordo sospecha di corupcion of mal acto, por ta ta e cosnan aki mester pasa, pa finalmente e proyecto por bay continua.
E speransa di e minister ta, ki pasonan cu wordo tuma, pa coregi e situacion, unda cu por ehempel tin 100 miyon dollar cu a wordo uza den e proyecto di e refineria di Aruba, unda a bay y nada no a wordo haci. Yen di hende a bin y strika placa, pero 100 miyon dollar. No a bin ningun upgrader nobo. Kisas ta e medidanan drastico aki cu ta wordo tuma na Venezuela riba Citgo, na PDVSA.
Tin di compronde cu ayera tambe e top di PDVSA, no solamente e top di Citgo a wordo cambia, sino e top di PDVSA tambe a wordo cambia. Nelson Martinez, cu ta amigo di e gobierno anterior na Aruba, no ta mas presidente di PDVSA.
A nombra un minister y un presidente nobo di PDVSA. Ohala cu esaki ta e pasonan cu na Aruba mester, pa finalmente haya hendenan na mesa, cu ta enfoca riba ehecuta e reapertura di e refineria, enbes di stika placa, laga un pueblo pendiente. Nan propio industria pendiente. Tin un proyecto cu ta di interes strategico pa Venezuela y Aruba, pa loke ta trata inversion economico, impacto economico, e creacion di cuponan di trabao y beneficionan cu e tin pa nos pais.
Informacionnan for di Venezuela, ta haci’e atrobe via canalnan di hendenan cu e minister conoce, pa midi un tiki kico ta pasando eynan. E realidad ta cu ta depende di e minister presidente pa ta na Aruba, pa atrabes tambe di Refineria di Aruba NV su conexion y e canalnan oficial, haya e reunionnan necesario cuminsa bay bin cu PDVSA y Citgo pa afirma e compromiso pa e reapertura di e refineria.
E minister ta indaga pa wak, midi loke pa nan ta mas importante, e compromiso pa continua cu e proyecto. Pa crea cuponan di trabao pa e trahado y contratistanan local, e beneficionan cu kier. Diversifica un economia cu no por keda depende di turismo so. Mester mas pilar economico y e refineria ta di interes trategico. Ohala cu por logra cera e compromiso, reafirma e compromiso ey pa e proyecto aki por continua pa beneficio di Venezuela y di Aruba.
Fuente: Con información de https://www.diario.aw
No hay comentarios:
Publicar un comentario
Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.