martes, 17 de octubre de 2017

(Aruba) Accion di Maritiem Politie tabata un sla pa piscadornan Venezolano

Directamente Maritiem Politie no ta mira e botonan Venezolano den nos awanan. Hopi biaha piscadonan local cu ta bay pisca mas cerca di awa di Venezuela, ta wak nan y ta meld. Esey tabata e caso akinan tambe. E dia aki a mira boei y e sistema cu e boeinan ta tira, y a logra mira un di nan, cual ta Palamber.

Door di esey a bisa cu no por saca tur. Tabata trata aki di basta. A corta nan, haci cu nos ta perde y nan tambe. Si ta papia di net y reda, ta diferente, pasobra si bo bay cort’e, e ta keda den fondo, e ora pisca y kreeft ta keda muri den dje pa semper. Den e caso aki, esey no tabata e caso.

Si tabata tin haas na dje mes, e haas ta wordo comi door di otro pisca. Si un pisca com’e mes, otro pisca ta come bek y e ta caba te eynan. Berdad por a perde algo, pero mester a tuma un decision e momento ey. No por a lage den awa tampoco y no tin ningu hende cu a bin para responsabel y no por a keda eynan tampoco henter dia.

Tabata tin hopi peso pa ranca y saca nan y no tabata tin e mankracht y aparatonan pa sak’e. Lo a dura oras pa saca uno. Ta papiando aki di como trinta. E boto a keda full na boei y cabuya cu por a corta, pero hanzuenan a keda benta abao.

Segun Benschop, nan ta tira diferente ora. For di marduga nan ta bin tira nan y despues ta bin sacanan algun ora despues. Pero no por a monitor esaki. Por ta tabata tin na algun ora, pero tabata tin algun cu a wordo tira na ultimo. Eseynan a wordo registra y tur e otronan a keda perhudica pa via di e ultimonan.

E pregunta ta keda con ta e miho forma pa bati alarma ora constata cierto iregularidadnan den nos awanan. Benschop a splica cu e boto aki tabata mas cu 2 miya den nos awanan teritorial. Si bo yama 100 di polis, e ta meld di biaha cerca nan, asina nan ta haci e trabao di biaha.

Si bay analisa tur cos cu a wordo perdi, ta un sla hopi duro pa e hendenan aki. Benschop ta spera cu nan a haya e mensahe y wak si proximo biaha por caba diferente.

Den caso cu tin cosnan confisca, ta tuma contacto cu Officier van Justitie y riba su ordo ta distrui esakinan. Ta hiba nan dump y kima tur cos.

E situacion di gasolin ta andando pa algun tempo y ta brainstorm cu algun instancia pa wak con ta pak’e aan. Di nan banda, Maritiem Politie ta haci loke nan por y actualmente tin diferente cos ta tumando luga. Cambionan di ley, etc. Manera cu e ta asina leu, manera cu nan por actua, nan lo haci esaki.

E fenomeno ta on keto bay. Tabata tin un caso cu a tuma boto den beslag na Venezuela, caminda cu hendenan mester a paga pa laga boto liber. E situacion eybao ta dificil y nan ta haci todo por todo pa saca placa di otro hende.

Den e caso di e dos hendenan herida, no mucho dia pasa, e ta hopi peligroso loke nan ta haci, cua parti di fuel mes, pa nan bida personal. Den e caso aki, e hendenan aki a keda gravemente herida y tur e consecuencianan cu por bin acerca.

Fuente: Con información de https://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...