Si presenta algún problema para acceder y visualizar “Noticias Candela” visite www.informe25.com (pulse aquí) y vea allí el recuadro amarillo...

miércoles, 12 de julio de 2017

(Aruba) Tur venezolano na Aruba por participa diadomingo awor den e “Consulta Popular”

Diadomingo awor 16 di Juli na Cas di Cultura, e residentenan venezolano tin oportunidad di bay participa den e asina yama “Consulta Popular”. DIARIO a haya informacion cu durante e dia aki, tanto e venezolanonan residente y stranheronan cu tin e nacionalidad, como e turistanan venezolano, por dicidi y duna contesta na tres pregunta clave:
  1. Bo ta rechaza of ta desconoce e realizacion di un constituyente proponi na Nicolas Maduro sin e aprobacion previo di e pueblo venezolano? Si/no
  2. Ta demanda e Fuerza Armada Nacional y tur funcionario publico pa obedece y defende e Constitucion di 1999 y respalda e decisionnan di e Asamblea Nacional? Si/No
  3. Bo ta di acuerdo pa procede na e renovacion di e Podernan Publico di acuerdo na locual ta estableci den e Constitucion y cu e realizacion di eleccionnan liber y transparente, como cu e conformacion di un Gobierno di Union Nacional pa restitui e ordo constitucional? Si/No.
Esaki ta e preguntanan cu bo lo mester duna contesta na nan durante e consulta popular na Cas di Cultura Diadomingo awor di 8 am – 4 pm.

Kendenan por dicidi?

– venezolanonan/esnan nacionaliza,

– esnan naci prome cu 16 di Juli 1999 (mayor di 18 aña)

– e turistanan venezolano bishitando Aruba.

Mester presenta cedula di identidad o pasaporte venezolano (sin importa si ta caduca) y por vota solamente un biaha.

Kico ta e obhetivo di e consulta aki ta?

– restablece e vigencia di e CRBV ampara den e Art. 333 den conformidad cu e articulonan 5, 62, 70 y 187.

– eherce e soberania cu ta residi den e Pueblo y e obligacion exigi den e Art. 350 di eradica e tirania.

– demostra cu e venezolanonan ta dicidi, den paz, rescata e Constitucion, e Democracia y e Derechonan Humano.

Esaki ta un invitacion pa bo pasa na Cas di Cultura Diadomingo awor y dicidi riba e futuro di Venezuela. E ta den bo man!


Fuente: https://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LO + LEÍDO...

LO + LEÍDO...