viernes, 14 de julio de 2017

(Aruba) Minister Mike de Meza: Placa pa rehabilita CITGO Aruba ta aproba caba

Aruba y CITGO Holding di Merca ta cla cu financiamento y ta pendiente transferencia pa nan cuentanan di banco local, pero ta sperando aprobacion di Banco Central di Aruba pa certificacion. Tambe Banco Central mester presenta nan un licencia pa certificacion di “Foreign Exchange”. Un ke otro tin di haber cu leynan di supervision di e sector financiero den cual Banco Central mester scrutina transaccionnan bancario di e magnitud aki. E companianan a haci un apelacion riba Banco Central pa por procesa e tramitenan mas lihe posibel.

"Nos ta pendiente esaki pasobra asina cu e fondonan ta disponibel, lo por cuminsa mira mas accion riba tereno di refineria", asina Mike de Meza, Minister di Turismo, Transporte, Energia y Medio Ambiente a duna di conoce den un entrevista radial diaranson ultimo.

 

Ta bon pa splica cu e trabou grandi di rehabilitacion ta den man di e concorsio di contratistanan internacional, pero cu lo uza companianan y trahadonan local den su capacidad maximo pa haci diferente proyecto. Pues e trabounan lo ta parti den varios proyecto, pa cual trahadonan local cu experencia den e refineria lo ta e prome nan pa haya un chens pa traha.

"Nos ta sumamente contento cu e desaroyo aki. Nos ta premira cu mas o menos pa fin di aña lo Bo por mira un mil hende trahando caba den e refineria. Awor aki caba tin 400 trahado caba na pia di trabou den e prome fase di e rehabilitacion", segun Minister Mike de Meza. E mandatario ta premira cu pa otro aña, e cantidad di trahadonan lo subi te na entre 1500 pa 2000 persona.

"Di acuerdo cu e proyeccionnan, ta premira cu na final di aña 2018 caba e contratistanan lo mester ta cla cu e diferente proyectonan pa asina cuminsa startup e prome mita di e refineria cu ta 125 mil bari pa dia. Y su tras lo start e di dos parti di e proyecto pa na final produci 210 mil bari pa dia. E lo ta mes grandi cu tempo di refineria Valero", di acuerdo cu Minister de Meza.

E mandatario, kende riba su mes ta un experto riba tereno petrolero a conta cu ta depende con bon e refineria ta progresa y ta responde riba e cambionan y rehabilitacion, cu den futuro lo por sigui expande y alcansa 350 mil bari di producto petrolero pa dia!

"E ta asina cu ora bo tin un refineria di 125 mil bari pa dia, cu ya bo ta papiando di un refineria grandi caba. Tempo di Lago esaki tabata core entre 400 pa 450 mil bari pa dia. Corda cu cierto momento Lago tabata e refineria mas grandi na mundo. Awendia lo oper'e mescos cu tempo di Valero cu e diferencia cu e productonan lo wordo uza pa produci un crudo superior cu lo wordo bendi riba mercado internacional", asina Minister Mike de Meza a termina splicando.

Fuente: http://www.24ora.com

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...