(Aruba) Luis Oduber di WEB riba MOU cu CITGO: Ta un bon oportunidad cu ta bayendo den rumbo di energia renobabel

Director di WEB Aruba NV, Luis Oduber tabata na Miami, hunto cu un delegacion di Aruba, pa asina firma un MOU hunto cu ehecutivonan di Citgo. Por premira un proyecto sumamente grandi pa nos isla, si tur cos cana bon.

Oduber a splica cu semper WEB tabata tin interconexion pa locual ta coriente cu e refineria. Den pasado tabata tin un temporada, di Exxon/Lago, unda cu nan tabata suministra WEB cu coriente. Despues poco tempo a bin ta elimina esey, unda cu a keda interconecta cu otro, pa sostene otro y te ultimo 20/25 aña, WEB a controla e frecuencia pa e refineria. Awor aki ta yega na un etapa nobo caminda cu ta cla pa tuma e challenge di pakico no bende nan e coriente. Tin experticio den cas, tanto pa e parti operacional como pa mantencion. Ta un bon oportunidad cu ta bayendo den e rumbo di energia renobabel. Ta tarea como gerencia di WEB pa tin trabao pa e coleganan semper. Esaki ta habri porta caminda cu ta bay bin cu un planta completamente dedica na e refineria, pa suministro di coriente y awa, caminda cu semper a haci esey y ta buscando e oportunidad pa sigui haci esey tambe. Den cuanto tempo Awor aki lo bay cuminsa papia pa mira den cuanto tempo. Tin cu bay sinta haya detaye cuanto nan tin mester, pa ki tempo y naturalmente ta bay den fase. Nan no lo bay tin 100% den un solo biaha.

 

Lo tin con pa suministra nan a tempo corto y e tempo largo tin cu wak cuanto tin mester y wak con ta bay haci esey pa hunto yega pa soluciona nan necesidadnan di utilidad. Di parti di Refineria di Aruba, nan tambe ta coopera pa provice pida tereno unda cu lo yega na construi un powerplant cerca di e refineria y suministra e refineria cu esey. Intencion ta cu una bes cu e gas yega, e planta ey lo draai riba gas pa asina provide e refineria cu coriente via e liñanan di gas. Exigencia di refineria Luis Oduber, director di WEB, a splica cu tin dos instalacion na Balashi te na Zeewijk y ta sigui pa refineria, pero e kabelnan tin limitacion. Tur cos ta depende cuanto tin mester. A termino corto lo por yuda nan, pero termino largo, conociendo su experiencia den refineria, lo ta hopi mas cu e dos kabelnan aki, cual no ta suficiente. Lo mester bay inverti den un planta nobo y kisas tira un kabel adicional cu uno por sostene otro. Pa asina atrobe engrandece e reliability di suministro di coriente na Aruba. Cuanto coriente Si bay bek tempo cu Oduber tabata den refineria, e por ta 60 pa 70/80 di e demanda cu e isla tin awor aki. Esey ta tempo di Coastal, cual el a traha ey nan, cual detayenan e no conoce di Citgo. Awo ta bay sinta papia di e detayenan y ta bay wak con ta bay yuda otro. Plan pa WEB E plannan di WEB ta sigui nan caminda normal. Esaki ta algo cu a bin acerca. Ta considera cu ta dos caminda diferente. Naturalmente si por saca beneficio di intercomunica nan of traha hunto, lo sa di haci esey. E plan tras di Venezuela pa Aruba ta un caminda cu por fit den e suministro di coriente y awa. Ora cu tin mas informacion lo bay evalua esaki sigur sigur.

Fuente: http://www.24ora.com