miércoles, 19 de julio de 2017

(Aruba) Citgo a firma MOU cu WEB pa haci estudio pa nan tambe cuminza produci Awa y Electricidad na San Nicolas

Jose Perreira ta presidente y CEO di Citgo Petrolium Corporation y nan a firma un Memorandum of Understanding (MOU) cu WEB Aruba NV pa cuminsa cu un estudio pa e posibilidad pa dentro di e instalacionnan na Aruba, construi facilidadnan pa e suministro di awa y energia electrico pa e refineria una bes cu e ta cla.

E proyecto aki ta hopi importante, pasobra evidentemente ta haci cu WEB ta bin na CITGO y Citgo pa WEB y parti di e sinergia aki ta worde estableci cu Gobierno di Aruba y FDA. Ademas di esey, esaki ta haci un bon sinergia cu e interconexion cu e linea di gas cu ta worde construi for di Paraguana pa Refineria di Aruba.

E plan, manera cu a keda comenta tempo cu nan tabata na Aruba ora nan a keda conclui cu e acuerdo, e prome fase aki e concorsio lo ta desaroyando tur loke ta e clase dos di e proyecto, cu mester conclui pa final di e aña y durante henter 2018, e di dos fase te na e conclusion di e prome parti na final di 2018. Pa e momento ey mester tin e liña di gas, e facilidad di awa y luz.

Esey ta e parti di e caso di negoshi cu ta desaroyando, pa haci e adkisicion for di WEB Aruba NV.

E intension pa e planta ta dentro di e instalacionnan di e refineria. Tin entendi cu e Gobierno tin un otro tereno cu nan ta edificando pa esaki. E idea ta pa nan ta dentro di e instalacionnan di e refineria, manera ya menciona.

Perreira a splica cu nan no kier a duna un cifra sin haci un estudio, pero parti di loke a worde haci di gas, tur e produccion di gas cu ta bin e isla, lo supera perfectamente pa e refineria riba su mes, como pa e facilidadnan cu por worde adkiri pa WEB.

Nan ta solicitando y ta ricibiendo pa final di Augustus. Awor aki ta den e etapa final di e ingenieria basico. Una bes cu caba esaki, ta cuminsa cu e trabaonan.

Minister Mike de Meza tabata na Miami pa reuni cu presidente di Citgo, sr. Jose Perreira, hunto cu un delegacion pa 24 ora largo, hunto cu su staff, su delegacion di ehecutivo, caminda cu a firma un MOU.

E plan di produci awa y coriente na San Nicolas, ta algo sumamente grandi pasobra na e momento aki, aumentando e capacidadnan di WEB ta nifica tambe un entrada substancial pa WEB Aruba NV, cu ta fortalece e relacion y tambe e situacion financiero di WEB ainda mas, cu ta un compania cu ta core saludabel. Pero esaki ta pa engrandece su suministro cu ta sumamente interesante. Semper tabata algo cu WEB tabata interesa den dje.

Den pasado tabata tin diferente momento door di añanan cu WEB a sa di suministra adicional coriente y awa pa refineria. Awor aki e presidente di Citgo tambe, cu tin su ehecutivonan, e team di Citgo Aruba, hunto cu WEB ta bay sinta na mesa den un comision pa bay analisa tur cos y wak e diferente necesidad y rekisitonan cu tin y con WEB den esaki lo bay asisti, como un partner strategico, traha hunto cu Citgo.

Minister de Meza a splica cu tin un bon relacion sumamente positivo cu Citgo local, pero Citgo internacional tambe. Manera cu por a mira, tin un relacion sumamente estrecho cu hasta e presidente di Citgo actual, tambe cu e presidente anterior, kende ta minister di Energia y Minas na Venezuela, kende ta Nelson Martinez. E relacion ta sumamente positivo, hunto cu Refineria di Aruba, cu ta un compania estatal. Ta mira e relacion tambe cu WEB y Citgo, Utilities y Citgo, ta e partnernan strategico cu kier na Aruba pa engrandece e economia di Aruba y tambe percura pa henter e operacion di Citgo ta sostenibel. Asina aki tin cu anda cu e partnernan strategico, caminda cu den bon ambiente, manera profesional, ta sinta na mesa, yega na solucionnan pa largo plazo y solucionnan cu ta Win/Win Situation.


Fuente: https://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...