(Aruba) Mike de Meza ta nenga di ta forma parti di algun compania cu ta traha den e refineria

Tin cierto personanan ta acusa con cos cu ta cana den e refineria no ta corecto. Hasta contratistanan ta menciona Pimec cada biaha. Na mas cu un ocasion, Glenbert Croes a mencion’e. E ta sinti cu minister de Meza ta envolvi, ta doño di e compania y no ta duna espacio na otro contratistanan come for di e bolo aki.

E minister a menciona cu e tin amistad cu doño di diferente contratista cu ta traha den e refineria. Esey ta pa e ultimo 20 pa casi 30 aña largo e conoce diferente persona aki. Cada un ta responsabel pa nan mesun companianan. Na fin di dia ta nan compania.

E mes no tin arte ni parti den ningun di e companianan aki. Den pasado e mes tabata tin su mesun compania. For di 2009, su compania a wordo poni inactivo. Mescos cu si otro coleganan di dje lo tabata tin companianan, mester a pone nan dormant tambe. Y esey ta un acuerdo cu nan tabata tin na momento cu lo a bira minister. Esey a haci. No tin arte ni parte den ningun compania na Aruba.

Eseynan ta storia, segun e minister. Ta lastima ora cu scucha en berdad, sr. Glenbert Croes ta trece tipo di storianan aki dilanti un biaha mas, ta bisa cu esaki ta politiconan cu ta purba di daña nomber di hende drechi, cu ta traha duro y purba di hinca nan den politica. E ta lastima. Sigur sr. Glenbert Croes, pasobra ya cu e ta trece esey dilanti, tin cu bisa cu e mes tin un ruman muhe cu ta abogado, cu ta haciendo trabao cu contratistanan den e refineria, como si fuera cu esey lo ta algo malo.

Esey no ta nada malo, si e tin famia cu ta haciendo trabo den e refineria, si e tin contratista of famianan cu tin contratista cu ta haci trabao den e refineria, e minister lo ta e ultimo den trece tipo di storianan aki dilanti, como si fuera cu su famia lo ta envolvi den companianan, den refineria y lo tin cierto derechonan den algo. Tur hende cu kier traha duro, tur hende cu kier tin su compania na Aruba, por habri su compania.

E ta un mercado habri y liber pa tur hende. Esnan cu kier traha duro y kier bay den e direccion, nan mag di haci’e. E minister tin amistad cu tur e companianan ey , pasobra ta casi 30 aña el a labora den e refineria y amistad ta keda amistad cu cada un di nan. Esey ta conta hasta pa diferente persona cu ta hopi yega di cerca cu partido MEP, cu ta hasta rumannan di e lider anterior di MEP. Semper e trato ey tabata un trato cu etica, amical y conoce otro bon.

Na fin di dia, e minister no ta e tipo di politico ey tampoco cu ta bay purba di trece nomber di hende, daña nan reputacion of crea tur sorto di storia nan tras.

E minister a bisa un biaha mas, cu e no tin ni arte ni parte den contratista cu ta trahando den e refineria y e ta lastima un biaha mas pa purba di daña nomber di companianan, of daña nomber di doñonan di compania di e forma aki pa purba di saca beneficio politico.

E minister ta lage pa su responsabilidad y lastimamente cu e por wak rond di su mes. Cerca di famia y amistadnan y ta mira di su banda, mes cuanto conoci e tin cu ta labora den e refineria y por ta ta doño di companianan cu ta labora of ta haciendo trabaonan den e refineria. Pero esey ta malo, e no ta. E hendenan ey tin derecho pa nan haci nan trabao den refineria.

Un biaha mas e minister a splica cu ta di lamenta cu ora cu e scucha sigur un persona manera sr. Glenbert Croes, kende e conoce bon, ta purba di daña nomber di profesionalnan, daña nomber di hende y comerciantenan, pa solamente purba di saca un probecho politico for di esaki. E ta lastima, pero na aña 2017, un bes mas, e minister ta keda ripiti esey, cu pueblo no ta acepta e tipo di politica aki y sigur sigur lo rechasa esaki tambe fuertemente.

Fuente: https://www.diario.aw