Si presenta algún problema para acceder y visualizar “Noticias Candela” visite www.informe25.com (pulse aquí) y vea allí el recuadro amarillo...

domingo, 18 de junio de 2017

(Aruba) E siguiente fase di rehabilitacion fisico di e refineria

Den oficinanan di CITGO Aruba Refinery NV, gobierno representa pa ministernan De Meza, Arends, Sevinger y Bermudez tabata testigo di dos acuerdo firma pa CITGO cu ta marca inicio di e di dos fase di e rehabilitacion – e rehabilitacion fisico – di e refineria: e contract entre CITGO y e instituto financiero y un otro contract entre e contratista principal y CITGO. Ademas di esaki, a firma dos protocol di ehecucion entre Gobierno y CITGO pa loke ta trata e reglanan pa ex-patriado y tambe pa Aduana.

Tur esaki a sosode durante un ceremonia oficial unda ehecutivonan halto di CITGO tabata presente cu a bin specialmente Aruba pa e ocasion aki. Presente tabata tambe director di Refineria di Aruba NV, Alvin Koolman. Un di e firmantenan di e protocolnan di ehecucion ta Minister di Economia y Comunicacion, Richard Arends, kende anteriormente tabata lidera e ekipo negociado. Den un discurso cortico, pero hopi elocuente Arends a expresa su mes di e siguiente manera.

 

“Awe mi ta un persona masha feliz. Mi ta feliz pa mira con un proyecto cu a start mas o menos tres aña pasa bou guia di mi colega Mike de Meza cu sosten di henter Gabinete, ta den e fase final di ehecucion di e acuerdonan cu nos a firma na juni di 2016. Mi kier a gradici e team negociado pa Aruba, e team di CITGO, RDA, Departamento di Aduana, di DIMAS y Labor cu a pasa den procesonan largo den analisa e proceduranan cu a wordo uza den pasado y pa haci nan mas practico. Nos a siña hopi e tempo ey. Claro cu mi ta feliz tambe como Minister di Asuntonan Economico, pasobra awe ta marca inicio di un periodo importante. E siguiente fase di rehabilitacion fisico di e refineria. E prome fase a start aña pasa cu mantencion y inspeccion y cu inversion di fondonan door di CITGO pa por a yega na e fase cu nos ta awe. E instalacionnan ta cla awor pa wordo rehabilita. Desde awe tur hende por nota e movecionnan fisico di e construccion, di trabou, di rehabilitacion.”

Arends a splica cu tur esaki tin un impacto economico enorme pa Aruba y specialmente pa e area di San Nicolas. Un cantidad substancial di empleado ta bin bek den e refineria y empleado nobo ta wordo emplea, ya cu desde awe cosnan ta bay ta riba schedule pa sigui cu e trabounan.

Minister Arends: “Awe ta marca tambe un dia di confirmacion di confiansa, di e compromiso cu CITGO a demostra for di un principio. Mescos e sosten y confiansa cu Institutonan financiero tin den CITGO y den e proyecto aki, cu ta na beneficio di cada un di nos na Aruba.” Minister Arends a termina su discurso yamando tur danki cu a yuda pa por a yega na e fase importante aki y a bisa cu gobierno t’ey pa facilita loke mester den e proyecto. “Nos ta sigui cu e cooperacion bunita cu nos tin hunto.”

Fuente: https://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...