Si presenta algún problema para acceder y visualizar “Noticias Candela” visite www.informe25.com (pulse aquí) y vea allí el recuadro amarillo...

viernes, 12 de mayo de 2017

(Aruba) Plannan pa reapertura di Citgo Aruba posponi

E comienso di trabaonan pa renoba e refineria di Aruba, pa procesa 280 mil bari pa dia a wordo retrasa pa 8 luna te cu Juli 2017, poniendo presion asina pa un restart di e refineria planea pa 2020, for di un fecha original di 2018. Esaki segun banco central di Aruba.
“E compania lo cuminsa cu operacionnan na dos tercera parti di su capacidad na 2020, cu un transicion pa capacidad completo na 2021”, e banco a bisa.
Merca a bende e refineria, cu tabata perdiendo placa, na e compania estatal Arubano RDA, despues di a stop su operacionnan na 2012. Pero nan a yega na un acuerdo pa stop e proceso di desmantelacion.
Na Juni 2016, RDA a lease e refineria pa 15 aña cu Citigo, un subisidiario Mericano e compania estatal Venezolano PDVSA, cu tambe ta financieramente mal para.
“E proyecto pa start e renovacion cu mester a cuminsa na final di 2016, no por a wordo cumpli pa motibonan logistico y financiero”, segun un funcionario di gobierno Arubano, cercano di e proyecto.
Reunionnan entre Banco Central, RDA, Citgo y un “tercer partido cu lo ehecuta e proyecto” a conclui cu e plan pa restaura e refineria toch mester wordo completa.
E overhaul di e refineria, na balor di 700 miyon dollar lo wordo ehecuta door di un consorcio di ingeniera di Technip, di Francia y e compania Venezolano Tecnoconsult y Y&V Group, segun gobierno di Aruba a informa na Januari 2017.
“E proyecto aki no por start te ora cu keda cla cu e financiamente, y ainda tin cierto aspectonan di e proyecto cu mester tene na cuenta”, un funcionario di gobierno a bisa diahuebs. “Esaki ta inclui e costonan adicional pa drei e refineria ariba gas natural cu lo mester wordo entrega for di un tuberia noord di Venezuela.
Aruba ta situa na 29 km (18 miya) leu di costa di Venezuela.
Un alto funcionario di e Ministerio di Energia y Minas Venezolana a declara na Argus cu e deal cu Aruba ta na peliger pa motibo cu Citgo no tin e capital necesario pa paga pa esaki. Aña pasa PDVSA a bende 100 bond di capital di Citgo na e compania estatal Ruso Rosneft den transaccionnan controversial pero cu tin como meta pa salvaguardia e compania Venezolano.
E localidad di e refineria tin 63 tanki di almacenamiento cu casi 12 miyon bari na capacidad total di almacenamiento.
E facilidad ta conta tambe cu dos waf di awanan marino profundo capas pa recibi portadonan di crudo hopi grandi y tambe seis waf di productonan refina, como tambe un chasis di un truck pa entrega local.
Tempo cu e refineria tabata den funcion, e tabata procesa crudo pisa den condensador y tambe materia primo intermedio. E no tabata produci productonan final.
Bou di e plan di PDVSA, e refineria lo a wordo uza pa upgrade e crudo extra pisa di e riu Orinoco na Venezuela den g
Under PdV’s plan, the refinery will be used to upgrade Orinoco extra-heavy crude from Venezuela den gradonan intermedio cu lo wordo manda pa refinerianan Citgo estableci na Louisiana y Texas pa e mas procesamiento.
E fluho di inversion ora cu e rehabilitacion di refineria cuminsa na Juli lo contribui cu un crecemento anticipa di 3.4% di e economia di e isla pa e aña aki, segun Banco Central.
Pero e proyeccion di crecemento aki ta “enfrenta riesgonan significativo, specialmente debi na e posibel retrasonan den inversion relaciona cu e refineria”, segun IMF a declara den un revision di e economia di e isla dia 31 di Maart ultimo.

Fuente: https://masnoticia.com

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LO + LEÍDO...

LO + LEÍDO...