Si presenta algún problema para acceder y visualizar “Noticias Candela” visite www.informe25.com (pulse aquí) y vea allí el recuadro amarillo...

lunes, 29 de mayo de 2017

(Aruba) Minister Mike de Meza mustrando cu pasonan di Citgo ta bayendo bon

Minister Mike de Meza a splica cu semanalmente e tin contacto cu Venezuela y cu Houston y sigur sigur cu e gerencia di Citgo Aruba tambe. Tin diferente progreso cu ta tumando luga. El a worde bisa tambe cu tin mas cu 400 hende ta laborando den e refineria. Nan ta bezig cu e ultimo partinan di e calculacion. Ora cu ta papia di un clase dos estimacion, cu ta un estimacion hopi detaya. Tin expertonan tambe ta bin Aruba pa contribui den esaki. Ta un trabao basta grandi.

Ya tin di compronde caba cu e parti di habri paar di e ekiponan a acuminsa tambe, pa haci inspeccion paden, pasobra na fin di dia, ora cu ta bay haci un inversion grandi asina aki, tin cu haci un inspeccion no solamente di pafo, pero di paden tambe.

Ya caba por a mira cu Citgo a cuminsa pone den e corantnan local, diferente propaganda cu ta buscando tipo di disciplina pa trahadonan di refineria y sa cu tin e contratistanan tambe ta druk bezig ta buscando diferente expertonan local, cu tin specialisacion den diferente area. Esey ta canando. Trabaonan grandi asina aki ta tuma su tempo y semper lo kier pa e bay mas lihe. Ta papiando cu nan tambe riba e timeline y nan ta duna un update den esaki. Pero e ta mustrando bon. E ta bayendo den bon direccion.

Ta algo sumamente importante pa Citgo y PdVSA pa e refineria aki worde rehabilita toch mas lihe cu ta posibel. Pero riba un manera responsabel, pasobra na fin di dia, e ta un partner strategico den henter e cadena petrolero di PDVSA y Citgo.

Esey ta tumando su luga. Minister de Meza mes tin contacto cu e minister di energia cu minas di Venezuela, sr. Nelson Martinez, kende ta e presidente di Citgo y PDVSA tambe ta cay completamente bao di dje. E combersacionnan ey ta un opositivo. Combersacionnan di con e progreso ta bayendo, den ki fase nan ta, kico ta e plannan. Por bisa tambe cu ya caba locual nan ta yama conceptual engineering di e liña di gas ta tumando luga y awor e basic engineering design tambe ta tumando luga, cu ya e contractnan a worde firma. Ta proyectonan sumamente grandi. Por lo menos un 200 miyon Dollar, los di e parti di e rehabilitacion cu a bin ta propaga cu tur esaki lo tuma lugar.

Tin diferente trabao cu ta tuma luga y esakinan ta trabaonan sumamente importante cu mester bin cla, pa na fin di dia una bes cu e refineria ta rehabilita, cu por startup e refineria riba gas natural, cu ta sumamente importante pa medio ambiente di Aruba.

Pero e ta hopi mas efectivo y eficiente tambe ora bo ta papia di gasto di operacion. Nan ta bezig cu esey y tin e ora ey e posibilidadnan tambe cu por ehempel WEB lo por cambia tambe su fuel for di e azeta pisa y bay riba gas natural tambe, cu sigur tin su beneficionan pa e parti di WEB, ora ta papia di costo di operacion, pero tambe pa nos medio ambiente. Despues a discuti tambe cu e tipo di materialnan aki, por worde uza pa transporte publico. Tin diferente faceta den e discusionnan y tambe cu ta premira cu muy pronto lo mira e beneficionan di Aruba. Ora cu ta puntra con ta bayendo cu Citgo, tin cu bisa cu e ta bayendo hopi bon.

Fuente: https://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LO + LEÍDO...

LO + LEÍDO...