jueves, 18 de mayo de 2017

(Aruba) Hefenan grandi di Citgo y PDVSA lo ta na Aruba

Durante e conferencia di prensa semanal di partido MEP, parlamentario Glenbert Croes a haci remarca riba Citgo y e futuro di nos refineria. Ora cu e noticia a sali siman pasa, a bin pa opta pa no duna declaracion inmediatamente riba e noticia. Pero averigua den un forma contundente, pasobra na momento cu e noticia a sali di retraso, ningun hende no ta keda contento cu cualkier retraso cu lo por tin, si of no, den e refineria, pasobra MEP ta lucha duro pa e refineria habri. Nan kier mira e refineria di Aruba bira un realidad.
Ningun mal noticia referente cualkier retraso, ta bon noticia. E ta un noticia cu ta preocupa MEP, por lo cual cu a bay haci e averiguacionnan necesario. A tuma nota di e declaracion di Gobierno. A tuma nota di e declaracionnan entre otro cu Citgo a duna referente na e actividad na e terminal, pero den e mesun declaracion referente nan compromiso cu e refineria.
En bista di e rol cu Glenbert Croes a asumi, den nomber di e partido, pa loke ta e reapertura di e refineria, a averigua cu Venezuela, no solamente a solicita reunionnan cu Citgo, PDVSA y Gobierno di Venezuela, referente e tema aki. Obviamente su unico motibo di solicita e reunionnan aki ta pa confirma e compromiso di e doño di PDVSA cu ta Gobierno di Venezuela, ta firma pa loke ta e finalisacion di e proyecto di Aruba. Si e compromiso di PDVSA como doño di Citgo ta firme den e realisacion di e proyecto na Aruba y si e compromiso di Citgo ta firme, relacionacu e realisacion di e proyecto di refineria na Aruba. Loke cu por bisa, cu e tin e afirmacion contundente, cu e Gobierno di Venezuela y Citgo, ta para tras di e implementacion di e proyecto aki. Loke ta hopi importante ta ora cu ta mira e noticianan di loke ta pasando na “Venezuela, ta haci Aruba preocupa pa e futuro di refineria, ora cu tambe noticianan internacional ta sali pa loke ta trata e retraso.
E meta mester ta, pa facilita, agilisa, pa Citgo, PDVSA, nan por cuminsa cu e inversionnan den e refineria di Aruba, pa beneficio di nos pueblo, nos pais, lo mas pronto cu ta posibel. E postura cu ta asumi ta un postura di preocupacion constructivo, pero tambe kier coopera cu PDVSA y Citgo pa agilisa e inversionan., Ta importante pa e inversionnan cuminsa pa caba, pasobra na momento cu e inversionnan cuminsa, e impacto economico pa nos pais y pa San Nicolas en particular, ta bay cuminsa sinti e beneficio di dje. Pero confirma loke e parlamentario a bisa ta un hecho.
A compronde tambe di e compañeronan na Venezuela, cu lo bay tin un delegacion di alto nivel lo tan a Aruba fin di e luna aki. Na nivel gubernamental, na nivel di PDVSA, na nivel di Citgo, pa asina confirma e compromiso di Gobierno di Venezuela, PDVSA y Citgo, den realisacion di e proyecto di refineria di Aruba, segun e parlamentario.

Fuente: http://masnoticia.com

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...