Si presenta algún problema para acceder y visualizar “Noticias Candela” visite www.informe25.com (pulse aquí) y vea allí el recuadro amarillo...

lunes, 17 de abril de 2017

(Aruba) Guardacosta hunto cu KPA a captura 10 persona ilegal den area di mangrove

Un conferencia di prensa a wordo convoca diaranzon mainta unda cu Randy Paskel di Guardacosta y Lito Lacle, vocero di Cuerpo Policial, a duna informacion tocante e presencia di un boto sospechoso cu nan a mira ta sali for di nos costanan.

Pa 2 or di madruga, Guardacosta a detecta e boto via radar y intersecta esaki tambe, na momento cu ya caba tabata yegando tera, pero nan a logra di pone man riba dje, ora e tabata saliendo bek for di nos costa na haltura di Mangel Halto y Santo Largo.

Asina Paskel a duna di conoce. A cuminza un buskeda masal hunto cu KPA den e areanan menciona y esey a resulta den e captura di nuebe persona na e momentonan ey, y e capitan cu cual a detene diez persona.

Paskel a señala cu e boto a wordo tuma den beslag, ken a wordo interoga den e Warda di Polis na San Nicolas bao sospecha di transporte ilegal di hende.


Un samenwerking a bin, Paskel ta remarca, inmediatamente cu e melding a drenta, pa asina aborda e area unda e situacion a tuma lugar y esaki a conduci tambe na captura di e personanan ilegal.

Paskel a subraya cu e ayudo di helicopter tabata esencial pa haya e personanan ya cu e area di magrover ta uno dificil pa busca hende. Cu bista for di aire e buskeda a tuma lugar na un forma mas efectivo, unda cu e personanan a wordo captura den e proceso.

El a duna di conoce tambe cu te e momento ey autoridad no tin confirmacion di e nacionalidad di e personanan y no por saca afo si tur ta Venezolano.

Esnan captura ta hende homber y no por descarta cu por tin mas persona scondi den e areanan menciona. E buskeda a sigui pa ta sigur cu no a keda ningun hende scondi eynan.

E ayudo di helicopter tabata hopi valioso, pero sr. Paskel a splica cu esaki apesar cu su capacidad di fuel oil ta limita. Durante varios ora mas e trabao di buskeda a sigui, te ora KPA ta sigur cu no tin ni un hende mas scondi den e area.

Paskel a haci un yamada na e campistanan pa yuda tira un bista ya cu autoridad policial mester di e ayudo di comunidad den combatimento di entrada di personanan ilegal, como tambe di cierto substancianan nocivo.

Por yama via central di polis como tambe atravez di Guardacosta, esta: 913. Haci yamada manera cu algo straño por wordo mira na e costanan. Asina por yuda polis haci su trabao mas efectivo tambe.

Esaki ta algo cu ta tumando lugar pa basta aña caba, y aworaki e situacion na Venezuela ta birando enberdad mas preocupante, pero na Aruba Guardacosta en combinacion cu KPA, Douane y Migracion y tur instancia cu tin di haber cu frontera ta trahando den un relacion hopi estrecho pa contraresta cualkier movecion straño cu por bin for di Venezuela.


Fuente: http://www.diario.aw

1 comentario:

  1. yo sufrí abuso físico vi como esos c---s de---os de guardacostas de dakota (aruba) v---n a varias mujeres ilegales (dominicana, colombiana, venezolana) y golpearon a un anciano de 65 años para que le dijera donde estaba su familia ilegal. como ellos los tienen encerrados y del encierro los montan en el avión sin poder hablar con nadie, por eso abusan. yo viví en aruba desde los 12 años y mi familia (madre e hijo) están aya por eso pague un abogado que me valió 3000 dollares para arreglar mi situación. pero un día antes de ir a corte estos c---s de guardacostas me sacaron al escondido de mi familia y abogado por que sabían que los delataría ante un juez holandés. y --- me tiraron en la guajira golpeado y sin un centavo

    ResponderEliminar

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...