Si presenta algún problema para acceder y visualizar “Noticias Candela” visite www.informe25.com (pulse aquí) y vea allí el recuadro amarillo...

martes, 25 de abril de 2017

(Aruba) Citgo y gobierno mester bin cu mas informacion prome cu hendenan cuminsa perde speransa

E sindicalista y presidente di IOWUA, Boy Anthony a declara na Bon Dia Aruba cu si Citgo kier start e refineria nan mester bin cu un departamento di siguridad pa tur esunnan cu ta labora den e infrastructura aki. Ademas e ta kere cu tanto RdA, Citgo y gobierno mester sinta hunto y bin cu mas informacion pa nos comunidad; ya cu e hendenan ta cuminsa perde speransa.
E sindicalista ta sinti cu falta mas comunicacion di nan banda; ya cu nan informacion mester ta mas pa tur hende sa kico ta pasando, pero e ta haya cu tur cos ta manera hopi secreto. “Esey ta trece incertidumbre y hendenan ta cuminsa perde speransa.”

Clinica y siguridad
Actualmente sindicato IOWUA tin alrededor di 55 miembro afilia entre trahadonan cu ta traha den e terminal y distribuido di combustibel; y tambe un grupo cu ta traha cu e refineria mes. Segun sr. Anthony, dificilmente nan por pone funciona e refineria sin un departamento cu ta atende cu tur aspecto cu tin di haber cu siguridad na pia di trabou. Igualmente mester bin cu un tipo di clinica of sitio di prome auxilio pa atende den caso di cualkier eventualidad.P’esey e ta pidi pa nan cuminsa recluta e trahadonan profesional cu lo por duna e tipo di asistencia aki y pone funciona e clinica; “ya cu si tin algo cu por pasa un trahado, nos tin nos clinica”. Tur cos aki cu tin di haber cu siguridad laboral na pia di trabou ta hancra den nos ley.

Trahadonan di afo
E trahadonan cu ta bay opera e planta den e refineria y cu ta traha directamente cu Citgo, y cu mester di un permiso, esaki ta un proceso cu no ta di awe pa mañan, sino cu e ta tuma tempo. Pero tambe e ta haya cu mester tin un “man camp”; caminda bo ta haya tur e contratistanan cu ta duna trabou na casi 2 mil trahado.

El a indica cu e plan tabata den principio 750 trahadonan local; y logicamente nan mester di hendenan di afo. Pero te ainda e no ta wak cu nos hendenan local ta drentando manera nan mester drenta. Presidente di IOWUA no ta sinti cu e proceso den e refineria no ta bay manera e mester bay. E ta bayendo hopi poco poco; y e trahado Arubiano cu ta wardando afo a cuminsa bira negativo; y nan ta cuminsa sinti cu e refineria no ta bay habri mas.

Fuente: https://www.bondia24.com

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LO + LEÍDO...

LO + LEÍDO...