(Aruba) Venezolano cu a purba gaña importa machine na Caracas deteni

E siman aki a sali informacion na Venezuela, cu un homber di e pais ey, di cual su nomber ta aparece riba watch-list di Interpol, tabata bishita Aruba tambe regularmente.

E homber Andrés Manuel Olivares Miranda di 38 aña di edad, a wordo gara na Venezuela despues cu a bin sali na cla, cu e persona aki ta buscando forma pa importa dos machine na Venezuela.

Un di e machinenan ta pa prepara fruta y berdura, y e otro ta pa prepara alimento. Ora cu autoridad a cuminza check e negoshi di dje, e homber no por a presenta prueba cu e machinenan aki a drenta e pais. Pues el a simula un importacion, djis cu e meta pa e por haya divisanan otorga pa Gobierno Venezolano.

Durante e investigacionnan, a bin sali na cla cu e homber aki a viaha pa diferente pais, e.o. Aruba, Suiza, Francia, Panama, y Merca. Asina a logra trace e homber aki, yte cu nan a detene na momento cu el a yega na Aeropuerto di Maiquetia.

Interpol a duna un red-alert riba e persona aki, y esaki a pone autoridad Venezolano traha riba e asunto y a detene.

Fuente: http://www.diario.aw