(Aruba) Dos Ministro a topa cu Ehecutivonan di PDVSA na Caracas

Diaranzon atardi a sali pa Caracas dos mandatario di Aruba hunto cu Alvin Koolman director di Refineria di Aruba y Frank Hoevertsz e director di Utilities NV. Nan a bay topa cu ehecutivonan di PDVSA.
Minister di energia Mike d Meza y su colega Paul Croes, na Venezuela a topa cu e director di Citgo na Aruba cu ta Alirio Zambrano. Diahuebs lo tin reunionnan unda lo sigui papia riba e plannan cu ta pendiente den desaroyo. Entren otro e liña di gas ta djis un di e temanan cu lo worde atendi.

Tambe den e encuentro cu Nelson Martinez cu ta e Minister di Energia y na cabez di PDVSA, lo sigui combersa riba e status actual di e preparacion pa start up e refineria.

E palabracionnan ta cla riba mesa pero dimes e encuentronan aki riba nivel di gobierno ta importante pa nan tuma lugar tambe cu cierto frecuencia. Minister Mike de Meza tin hopi bon contacto cu e grupo di Citgo pasobra e tabata cu nan na mesa varios biaha pa asina por a logra e reapertura di e refineria. Su colega Richard Arends tambe a hunga un rol crucial durante e negociacionnan e tempo ey como consehero.

Ora caba di reuni riba e tema di refineria cu Nelson Martinez lo atende tambe reunionnan riba e aspecto di turismo. Minister Paul Croes ta atende cu e parti di labor cu tambe ta algo cu ta importante pa nos isla cu e presencia di e refineria. Aki tambe e palabracionnan ta cla con e reparticion mester ta garantizando tranou pa e mercado local. Mas despues lo trece mas informacion y resultado di e encuentro di follow up meeting riba Citgo na Caracas.

Fuente: http://www.diario.aw