Si presenta algún problema para acceder y visualizar “Noticias Candela” visite www.informe25.com (pulse aquí) y vea allí el recuadro amarillo...

jueves, 23 de febrero de 2017

Citgo lo contribui cu 342 miyon anualmente na e economia di Aruba

Gobierno a duna Aruba Investment Bank e encargo pa midi e impacto di e reapertura cu e refineria lo tin riba e producto nacional bruto, segun director di e instituto financiero, Frendsel Giel.
Den e caso ey a wak ki impacto e balor agrega esaki lo tin riba nos GDP. A uza e GDP di 2015 como base, cual ta 4.8 biyon. E ora ey a sali for di e punto di bista, a base di informacion ricibi cu e rehabilitacion lo bay ta pa 3 aña y un contribucion di 1.5 biyon florin ora e ta completa.

E parti di e placa ey lo bay pa trahadonan local, companianan local y Gobierno. Pero tin un parti tambe cu lo bay pafo di Aruba pa paga importacion di material, ekipo, contratistanan di exterior y forsa laboral cu ta experto cu no tin na Aruba pa rehabilita un refineria. Ta un fenomeno normal cu ta busca e parti aki pa rehabilita e refineria.

El a sigui splica cu e parti cu ta bin di pafo, pa importacion di forsa laboral, ta yam’e den e sentido economico “leackage”. Den e parti di rehabilitacion ta 40% y durante e periodo di e refineria operativo, e ta 30%.

E parti cu ta keda Aruba den e economia lo bay directamente pa e casnan di famia, companianan di Gobierno y un otro parti lo wordo gasta pa nan, den economia. Esey lo crea e spinoff economico caminda cu nos ta haya circulacion di placa den economia y lo tin un impacto riba nos GDP.

Ta ser premira cu riba e base di e inversionnan cu ta wordo haci, e proceso di rehabilitacion di e refineria, Aruba lo experiencia un crecemento substancial den su GDP. Durante e periodo ey, e ta 5.8% pa 6.6% y durante e proceso e lo ta riba 7.1%.

E ora a midi e parti akinan y e rehabilitacion lo crea cuponan di trabao cu lo wordo ocupa pa trahadonan local directamente, emplea pa e refineria, contratistanan y tambe lo crea algun trabao indirectamente, por ehempel e companianan cu ta supply e refineria. Lo tin mas actividad economico. Lo tin un parti tambe cu lo trece pa un periodo cortico forsa laboral di pafo, cu ta specialisa di companianan.

Den e periodo mas activo di e rehabilitacion lo tin 1800 hende cu ta envolvi den e refineria aki, di cual 800 ta spera ta local y casi 1000 di pafo. Pero pa e fase operacional, lo tin 1000 persona emplea, di cual 900 lo ta local y 100 lo ta di pafo. E contribucion di e forsa laboral local lo ta bay aumentando segun cu e rehabilitacion ta termina.

E motibo di esaki ta cu e enfoke ta riba operacion so y mantencion cu lo wordo uza pa e compania local y contratistanan. Esey lo nifica tambe cu lo tin menos fluho di placa cu ta bay afo. E ora ey tambe a ripara cu e lease (huur) cu Citgo lo paga na Gobierno lo aumenta. Pesey mes, e importante ta cu e enfoke pa Gobierno ta pa haci mas uzo di forsa laboral, pasobra mas uzo, mas experticio cu nos trece di nos hendenan cu ta biba aki, e ora menos placa lo bay afo.

E calculacion ta basa riba e 40% leackage. Si por cera e gap ey, lo tin un impacto economico mucho mas grandi. Den e parti operacional, ta 20/20. Citgo lo contribui 342 miyon anualmente na e economia di Aruba, cual ta 7% riba nos GDP, basa riba 2015, segun Giel.

Fuente: http://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...