viernes, 27 de enero de 2017

(Aruba) Venezolanonan coriendo cu Van yen pisca den Ponton

Den oranan di atardi unidadnan Policial a worde manda pura den direccion di un cas na Ponton. Esey a socede, debi cu a drenta informacion cu tin un habitante di un cas cu ta sinti su mes menaza cu presencia di algun Venezolano den porta di su hogar.

‎Prome unidad cu a yega tabata vocero di Polis. Su tras a yega unidad di Playa, unidad di Noord y Unidad di K9. Agentenan a topa un van cu tres Venezolano, y mesora a cuminsa interoga nan na e lugar.

Segun e chauffeur a splica, cu e Van a daña. E vehiculo tabata yena cu pisca y cahanan di pisca. E tabata hole basta stinki.

Polis a mira saco di sardin y keeshi cu ta worde treci pa bende na Aruba. E chauffeur a splica cu esaki ta pa worde warda pasobra e boto cu a trece ta bay back Venezuela y e cosnan ey ta keda atras.

E dos otro hombernan cu tambe tabata tey a resulta di a bin den barco. Nan a bay pa yuda e chauffeur, segun nan a splica.

Tog nan actuacion tabata sospechoso. E carchi di entrada na waf a ser mustra na autoridad. A listranan y riba un di nan a haya un holoshi cu no por a duna masha cuenta di dje. Polis a confisca e holoshi. A pone tur dos homber na boei y bay cu nan warda pa e duna cuenta.

E chauffeur tambe ta di Venezuela pero tabata tin estadia te cu dia 30 di Januari. Aunke no por a proba cu e ta trahando, e Van si tabata di e agencia.

E Van tabata daña y el a keda na e lugar hunto cu e chauffeur pendiente yudanza.

E señora a keda mas trankil ora el a mira e reaccion rapido di Polis. Ta hopi di e Venezolanonan cu ta yega cu barco ta bandona waf pa traha riba caya mientras cu nan ta na Aruba como ayudante di e barco. Si na waf ta permiti nan sali, e ta un problema. Pa basta tempo tin keho riba e fenomeno aki.


Fuente: http://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...