martes, 30 de agosto de 2016

Aruba a keda cla cu Valero y Citgo

“El a bay hopi bon”, tabata e prome palabranan di Minister Ing. Mike de Meza na su yegada diasabra atardi for di Houston, Texas. E tabata compaña durante e biahe di 2 dia pa Drs. Frank Hoevertsz di Utilities Aruba N.V., Alvin Koolman di Refineria di Aruba, abogado mr. Hans Sjiem-Fat como consehero huridico y Glenn Geerman, experto di refineria cu a biaha den e delegacion como consehero.
Riba Diahuebs y Diabierna e delegacion na Houston a reuni cu tanto ehecutivonan di Valero, como tambe di Citgo. “Tabata reunionnan masha intensivo, hopi pisa y hopi largo. Nos a debate hopi, semper cu respet mutuo, pero nos a logra un acuerdo den cual tur tres partido ta satisfecho”, asina e mandatario a duna di conoce. Manera ta conoci, na luna di Juni ultimo a firma cu e compania Citgo den presencia di Gobierno di Venezuela. Asina mes a keda falta algun detaye cu mester a caba di regla. Simultaneamente a start negociacionnan cu Valero pa e entrega e refineria back na Gobierno di Aruba pa asina e acuerdo nobo cu Citgo por drenta na vigor.

Ta bon pa splica cu e areglo principal cu Refineria Valero, pa termina e relacion, ta data for di tempo di Coastal, despues El Paso y por ultimo cu Valero. Ta premira cu lo caba cu e leynan y cu e dia efectivo pa e areglo nobo drenta na vigor lo ta dia 1 di october 2016.

Mientrastanto ehecutivonan di Valero lo tey diamars na Aruba y si tur cos keda cla, pa diaranson lo firma e acuerdo final di traspaso cu Gobierno di Aruba. Ta firma e acuerdo den cual ta fiha e pagonan cu ta pendiente di belasting, ta atende e traspaso di e trahadonan, ta reconoce e operador nobo Citgo y hopi mas. Tambe ta atende e compania Valero Marketing & Fuels Supply cu ta bende gasolin, diesel, kerosin y jetfuel cu lo pasa awor pa e compania nobo Refineria di Aruba, di cual Gobierno di Aruba lo ta doño 100% di dje.


Fuente: http://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...