Dangui Oduber (MEP) |
Segun Dangui Oduber di MEP, esaki ta un gobierno intransingente y un gobierno cu no oido pa dolornan di pueblo y di comercio. Pa varios siman tin un grupo di comerciante ta reuniendo cu gobierno pa por haci algo pa cu e situacion di disaster den Caya Betico Croes. Comerciantenan ta sclama y a pidi gobierno pa haci algo cu Aruparking y haci algo pa laga trafico circula back den Caya.
Ta conoci caba e mentalidad destructivo cu e gobierno aki y e contesta cu comercio a haya ta cu NADA lo worde haci cu Aruparking y tampoco nada lo bay sosode pa loke ta trata circulacion di trafico den Caya. Loke gobierno a bisa comercio ta pa nan bin cu alternativa y sugerencianan y nan lo wak si por yuda den esey. Aruparking a bin cu un campaña pero ta obvio cu tur comerciante a perde speranza caba den Aruparking y Otmar Oduber. Apenas 11% di e comerciantenan ta participa den e campaña di Aruparking.
Otmar Oduber cu su maneho anti pueblo y anti comercio a destrui nos Caya Betico Croes. Envez cu Mike Eman a haci algo, el a accepta y bira complice di e disaster cu a worde crea. No tin benta, tiendanan ta sera tur siman y adicitonan ambulante ta den tur skina na playa. Esaki ta loke AVP a percura pe den Caya.
Otmar Oduber no solamente e destrui Caya Betico Croes sino ta destruyendo nos turismo tambe cu su actitud vengativo, terco y arrogante. E probelmanan den nos turismo ta serio y no por worde ignora of neglisha. Na e momentonan aki e situacion den nos turismi ta uno di crisis. Cantidad di bishitante ta cayendo, cantidad di turismo crusero ta cayendo, grado di occupacion di hotelnan ta cayendo, REV PAR ta cayendo y pa haci e crisis complete AHATA no kier traha cu Otmar Oduber.
Nos unico pilar economico no ta di Otmar Oduber e ta di e pueblo aki y un minister no por hunga cu pan di hende manera ta pasando na e momentona aki. Nos ta lamenta e actitud tuma door di minister Oduber caminda e ta prefer di sigui causa daño na nos turismo envez di yuda. E ta demostra incapaz pa maneha e cartera aki y awe e realidad di nos turismo ta uno amargo.
Nos ta corre peliger cu e situacion lo sigui empeora anto e ora capricho di un minister no ta yuda den esaki. Promer minister Mike Eman ta esun primordialmente responsabel pa loke ta pasando na Aruba. Su ausencia y falta di liderazgo a causa cu Aruba ta den un crisis nunca antes bisto cu awor minister di turismi ta fungi como minister di husticia. Asina lew nos a yega na e pais aki.
Fuente: http://www.diario.aw
No hay comentarios:
Publicar un comentario
Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.