(Aruba) A susha misa di Brazil acusando Pastor di Pedofiel

‎Diabierna mainta trempan fielnan catolico a haya noticia cu nan Parokia na Brazil a wordo susha. Esnan tras di e mensahe di Pedofiel a pasa na e Parokia y causa daño na e parti dilanti riba e entrada y patras riba e muraya.
Ta acusa Pastor di pedofiel cu e mensahenan laga atras. Pader Jairo Maduro ta conoci di no ta keda keto pa nada di e tipo cosnan cu mester wordo cuestiona. Despues cu Kapel di Alto Vista a wordo susha, Pader Jairo Maduro a bay te eynan pa mira e situacion.

Djey e tabata den studio di television unda el a expresa su mes tambe riba e sucedido. Awor den apenas dos dia despues su Parokia a haya bishita. El a notifica polis y a haci un denuncia riba e caso aki tambe. E problema ta cu e mensahenan aki no ta yudando na nada den henter e problema.

Mas bien e comunidad ta hayando un rabia riba esnan cu ta tras di e asunto aki. Tur hende ta condena abuso sexual di menor of cualkier otro abuso sexual. Pero cu bo ta cana rond susha propiedad ta algo cu sigur pueblo no ta acepta.

Fuente: http://www.diario.aw