Esnan cu ta bezig haciendo esaki, kisas tin un pensamento cu te ainda cu ningun hende por compronde. Esaki no lo bay trece husticia den loke nan ta sinti of e problema cu nan tin. E ta mas bien trece un rabia den pueblo contra esnan cu ta responsabel pa e actonan aki.
Na Bushiribana, a susha tanto pafo como paden, luga cu turistanan a bishita. Nan a haci’e cu kwashi y verf.
Mientras tanto cu na Brazil, delincuentenan a fliet e palabranan mahos aki.
A papia cu Pader Jairo Maduro a conta nos cu el a wordo yama cu e muraya pariba ta susha, y despues tambe e porta di misa ta susha. Ta un cos hopi desagradabel. A caba di mira dos dia pasa, e kapel di Alto Vista tambe a sufri di vandalismo y ta sinti cu pueblo ta fada. Hopi biaha cu e cos aki mester por bin di e mesun direccion aunke ta otro hende ta hacie.
Pakico e palabra Pedofiel. E pastoor no sa pakico a uza e expresion aki.
E mes a uza e expresion aki, pero pa pone un fin na e situacion cu tabata tin na Kapel di Alto Vista. Ora cu ta papia di berdad, bo no ta haya un stoel pa sinta. E trabao di sacerdote ta un trabao di profeta. Profeta ta anuncia y denuncia y e ta conciente cu e por hay’e den tur sorto di mil situacion cu un hende ta bin contra dibo.
E pastoor a bisa cu e no lo bay kita e verf y no lo habrie diadomingo. E ta como un protesta den nomber di parokianonan, pasobra tur a yama e pastoor. E porta no lo bay habri. Esun cu ta tras di esaki, cu e porta ey lo keda cera. Ta un señal, cu no ta acepta e tipo di cosnan aki. Kiermen esey no por, segun e sacerdote.
E ta corda tempo cu tabata mucha, ta un respet ora drenta misa di Playa. Nan ta siña henter bida como sacerdote, cu e luga dedica na Dios consacra, ningun hende no mester mishi cu nan.
Ta bon mes no a drenta paden. Si a haci un daño paden, e ora e misa di Brazil lo a cera, pasobra el a wordo profana. Ta cosnan cu a yega di pasa na Aruba cu Kapel di Tanki Leendert y tambe Capiya Emanuel, cu mester a cera e luga, pasobra un hende a drenta tabernacel y plama hostia. E ora mester bin un acto di reparacion y penitencia pa cuminsa di nobo.
Ora e dia yega, asina lo bay haci ora cu habri e porta aki bek. E ta keda asina awo pa tur hende mira ta den ki Aruba nos ta bibando, den e estado di derecho caminda cu tur hende ta kere cu nan por haci loke nan kier, cu propiedad di hende.
E sacerdote no ta compronde cu ta cera hende y despues di 10 dia ta sali atrobe. Te dia cu un hende cu ta fada, un hende spanta balente bin y tuma ley den su man y pone un fin na e cosnan aki. Esey nos mester para warda riba e luga aki, e sacerdote a cuestiona.
Tur hende tin cu haci su trabao a drechi, hende di husticia mester sa di haci nan trabao drechi. Asina cu ta mira destruccion, no tin un peso di ley asina pisa, no ta duna e derecho di haci un minimo daño na otro hende y nan propiedad, pasobra no ta dibo.
Si tin un cos pa bay protesta of haci denuncia, tin cu cana e caminda. Pero si cuminsa daña propiedad di hende, e ora lubida. NIngun hende no lo yudabo. Si bo cuminsa daña cos manera Alto Vista, cu ta un kapel asina importante pa nos y ta bay wordo daña, hende lo no bay aprecia esaki. Hende no lo bay tuma esaki. Nan ta cuminsa lagabo cu bo causa, pa bo cuenta, Pader Jairo a enfatisa.
Claramente esaki ta un acto di condena, mirando e mensahenan cu a wordo skirbi no solamente na Bushiribana, pero tambe riba e murayanan di un edificio cu tin su significado spiritual pa su parokianonan.
Pastor Jairo Maduro: ''Hende ta haci acusacion sin tin prueba''
Iglesia Cristo Rey di e Parokia di Brazil tambe a bira victima di graffiti recientemente na unda un persona desconoci a spuit e palabra nan ''Pastor Ta Pedofiel'' na varios parti di e misa. Bon Dia a sinta cu Pastor Jairo Maduro pa combersa un rato tocante esaki y pakico e ta pensa cu e la bira victima di e actonan di vandalismo aki.
Keda pendiente pa lesa mas den siguiente edicion di Bon Dia
Enlace Relacionado...
- Pastor Jairo Maduro: ''Hende ta haci acusacion sin tin prueba''
- Pastor Jairo Maduro: ''Hende ta haci acusacion sin tin prueba''
Fuente: http://www.diario.aw - http://www.bondia24.com
No hay comentarios:
Publicar un comentario
Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.