(Aruba) Minister Mike de Meza a splica cu ta atendiendo puntonan compleho pa reapertura di refineria

Durante tratamento di presupuesto, Minister de Meza a splica den Parlamento unda Aruba ta para y kico a haci den e ultimo seis añanan aki pa wanta consideracion di tur e trabaonan y tin cu bisa cu ta basta trabao.

Ta un topico hopi serio cu a toca. Importante pa pais Aruba den su totalidad y di parti di opositornan politico tin un falta di seriedad eynan. A duna contesta si y a atende cu tur e asuntona aki riba nivel.

Actualmente ta trahando hopi duro riba e aspecto di refineria. Tin tres partido caminda tin topiconan hopi serio pa anda cune. Uno ta e partinan di Valero mes cu gobierno, tin e parti di gobierno cu Citgo y tin e parti di Citgo cu Valero mes tambe. E topico ta hopi compleho.

Tin partinan huridico hopi compleho den dje. Parti financiero economico tambe y tambe e parti di siguridad di operacion, pa e proyecto aki. Ta importante pa e forsa laboral na Aruba y Aruba su economia en general y ta trahando duro riba dje.

Tin leynan cu tin cu bin den parlamento, cambionan den ley cu ta bin parlamento, creacion di un compania estatal cu ta bira doño di e ekiponan y e tereno cu tin eynan. E ta hopi trabao, e minister a enfatisa.

Tin diferente hende ta traha riba dje tin contactonan constante cu Houston y San Antonio y tin delegacionnan na Aruba cu ta bolbe bin otro siman y tin momentonan cu delegacion di Aruba tin cu bay Houston pa sigui cu e discusionnan cu tin riba e temanan aki. Ta hopi trabao tin.

E minister a splica cu ta premira cu den Maart mester yega asina leu pa bin parlamento y haya su bendicion riba totalidad di e pakete aki y ohala por cab’e mas lihe posiel. E target pa ta cla pa fin di Maart.

Pa loke ta Taxholiday, esaki no ta existi mas, segun e minister. Citgo por pidie, pero mester traha un ley nobo y e intencion no ta esey. A bandona esey caba. Ya caba a acorda cu ta bay uza e fiscal regime di e ley cu a bin cun’e na aña 2010. Na cabamento di Mei y cuminsanento di Juni cu Valero a biba cune. Cu por tin algun cambio den dje, esey ta den discusion awor aki. Un taxholiday no ta riba mesa, segun minister de Meza.

Fuente: http://www.diario.aw