(Aruba) Tur nuebe persona ta sano y salvo na Colombia

Nan a keda tur kima di solo, cu poco cuminda, y awa tabata cabando. Pero alegre y contento cu porfin nan a pisa tera bek, Diadomingo! Un odisea riba lama a yega su fin, ora cu Punta Espada na Peninsula di La Guajira, a bira e lugar unda e boto perdi a yega.
Diasabra anochi e buskeda pa e boto Go-Fast La Rumbera a stop y a sigui cu esaki riba diadomingo mainta. Defensa Colombiano a yuda cu avion y boto, mientras tanto kustwacht a bin su avion DASH. Despues di un problema chikito cu autoridad Venezolano, na final, nan tambe a duna di nan banda diadomingo mainta.

Louis Kirindongo, kende un di e hefenan na Kustwacht, a reuni cu representantenan di Gobierno di Aruba y tur hende a haci un esfuerso pa busca e boto “La Rumbera”. Kustwacht ta e promenan cu a saca nan unidad na momento cu a drenta informacio for di diahuebs anochi. Manera cu e informacion a yega cerca Kustwacht, a drenta den accion mesora.

Manera cu informacionnan a ricibi a calcula mas of menos unda e boto por ta y den ki area lo tin cu busca. Mesora cu a haci esaki, a ripara cu e boto tabata den awanan teritorial di Venezuela.En principio e accionnan inicial di buskeda lo mester a sosode for di Venezuela, pero lamentablemente eynan tabata tin cierto cosnan cu nan mes, cu por a bay mas miho cu no a cana manera cu tur a desea pero despues di esey, mainta a sigui riba e calculonan cu tin, unda e boto lo por ta na e momentonan ey, a mira cu calculonan cu e sistema ta haci di stroming, tipo di boto, cuanto hende abordo, etc., tur ta hunga un rol hunto cu influencia di biento, olanan, ora ta traha un patronchi di buskeda.

A traha un patronchi di buskeda nobo y a mira cu e patronchi ta cay parti noordoost di Guajira. E contactonan cu tabata tin cu e personanan abordo, ta mustra cu nan no tabata mirando tera. Esey ta duna indicacion cu nan lo ta parti noord di e peninsula di Guajira. Hecho cu tin contacto telefonico cu nan, ta mustra cu ta maso f menos 20 miya for di costa. Ta tene cuenta cu diferente informacion p asina crea e area di buskeda. Stationschip cu ta parti pabao di Aruba, a saca un helicopter pa bay busca den e area. Kustwacht Colombiano, tambe cu tabata tin contacto cu nan, tambe a saca un unidad pa bay busca y a haya informacion for di e centro di coordinacion y buskeda na Corsou, cu un avion di Kustwacht mes, tipo DASH, tambe a sali pa bay busca.

Tabata tin un area y tambe tin unidadnan den alerta constamente. Awor den e area a bay tres unidad pa busca. Esaki a duna resultado tambe. Atardi a drenta informacion cu e boto a yega cerca di tera y dos hende e bula na awa y subi tera. A topa cu dos rescatista cu tabata tirando bista pa nan tambe na costa. Despues tambe a sali cu boto pa saca e otronan den boto La Rumbera. Nan a keda den e area di Guajira.

Na e Peninsula de La Guajira na Punta Espada tur hende a yega. A controla tur e tripulantenan y duna nan cuminda.

Posteriormente a haci e control y e señora na estado a worde atendi na Hospital. A keda di transportanan via aereo pa Cartagena pero esaki a worde cancela diadomingo y lo tuma lugar dialuna. Famianan ta feliz y tur hende contento.

Aki por mira esun mas hoben, Jassy di 17 aña, hunto cu su omo Ken, y tanta Sammy Jo na Colombia.

“Tur persona rescata abordo di boto perdi La Rumbera ta bon”

Prome minister di Aruba, Mike Eman, a duna su comentario riba e sucedido pa loke ta e perdida di e boto “La Rumbera” riba lama, cu nuebe hende abordo.

E ta splica cu desde diabierna a intensifica e buskeda pa e boto cu esnan perdi riba lama y pa gobierno, ta preocupante pasobra a conoce momentonan asina tambe caminda cu un cierto momento a perde totalmente e boto for di bista y despues no ta exitoso.

Danki dios poco tempo ey tabata exitoso cu e kitesurfernan cu a logra toch di alcansa cu tremendo trabao di kustwacht, pa cual e dos personanan tambe a keda gradicido.

Tabata tin toch basta reto pasobra por a haci buskeda cu helicopter di kustwacht mes den e area teritorial di Aruba, pero den e awanan teritorial di Venezuela, caminda cu a calcula cu e boto lo por tabata den e prome oranan cu a perde, e complicacionnan toch di e procesonan pa haya acceso pa por haci buskeda tambe den e awanan teritorial y e espacio aereo di otro pais, diabierna y diasabra no a cana manera cu normalmente ta cana. Esey naturalmente ta un otro tema pa despues bay back riba dje.

A haci un preparacion amplio desde diabierna pa cuminsa diasabra mainta cu hopi forsa. Mainta tempran a cuminsa cu esfuersonan pa sigura cu di parti di Venezuela pa haya e cooperacion necesario y na cierto momento haya cu di parti di e diferente autoridadnan di Venezuela a bisa cu nan mes tambe ta bezig caba buscando cu ekiponan cu tin na nan disposicion pa busca. Colombia tambe a keda adverti mesora cu ta buscando un boto via kustwacht. Cierto momento durante dia di diasabra tabata tin conexionnan telefonico entre famia cu esnan riba boto y cierto momento tambe un conexion mey mey di e reunion cu un persona di kustwacht, kende ta na Aruba, tabata tin e mensahe cu personanan riba e boto, por a intercambia di informacion cu nan cu ta alentador.

Tur hende riba boto tabata bon, segun e mensahe aki, via di telefon. Ta contento cu esaki y ta un bon noticia y di biaha a acerca tambe Setar pa nan por yuda pa sa di unda e señal aki ta bin pa por yega Aruba y el a worde identifica como un celsite na Colombia. Despues por a identifica e compania cu ta e compania Claro. Na e momentonan aki ta den conexion cu Colombia pa mira si cu e informacionnan tiki tecnico di Claro, pa mira di unda exactamente e senjal ta bin, caminda cu e boto por ta y esey tabata canando na e momentonan ey.

E fragata Friesland tabata den e awanan teritorial cerca di e area di unda kier busca e boto, na costa di Guajira, pero ta un area hopi grandi y un helicopter a sali for di e fragata pa bay busca den e area tambe.

Mientrastanto a acerca defensa di Colombia pa fuera di partinan regular di investigacion y e yudansa cu ta haya for di e instancianan cu ta haci e tipo di colaboracionnan aki cu kustwacht, tabata buscando di defensa di Colombia. Tabata buscando tambe via di search and rescue, oranigascionnan na Aruba pa pidi organizacionnan na Colombia di search and rescue, pa nan tambe saca boto y helicopter, y asina a diversifica e buskeda den e area cu ta kere cu tin cu busca na e momentonan pa tin e oranan di dia cla ainda na fabor. Ora bira scur, ta bay pasa hopi ora prome cu dia cla atrobe. Segun intercambio di mensahe cu tabata tin cu e boto, no tabata tin flare mas pa asina yuda identifica y ta haci e buskeda anochi hopi dificil.

Tabata resa y ta haci e esfuerso pa e cantidad di buskeda den area ta maximal for di nos mesun kustwacht, fragata, defensa di Colombia, search and rescue, pa por logra tambe. APA ta manda señal pa tur barco den cercania di esaki y pa asina logra alcansa e naufragonan prome cu anochi cera.

Colombia tabata mas pendiente cu Venezuela. Sinembargo a papia cu e consul di Venezuela cu si nan tambe, den bon cooperacion cu Colombia, lo por haya permiso pa busca den e area di Colombia. Tabata tin mester mas hopi exploracion aereo. Lama ta grandi pa boto, cu ta dificil pa haya. For di aire e buskeda mester a worde intensifica den e oranan di claridad cu tabata tin cu sigui ainda. Esey ta e esfuerso cu ta haciendo diplomaticamente. Tabata bezig cu embahadanan di reino na Colombia y Venezuela, diferente ministernan. Tabata haciendo contacto pa a haci posibel pa intensifica e sosten aereo cu tin mester pa por identifica e boto y cu poder di Dios lo por a logra finalmente prome cu anochi cera diadomingo, segun nos prome mandatario. Asina e mes a logra papia telefonicamente cu un di e tripulantenan. Nan a confirma cu nan ta ok. Gobierno awor ta mirando con tog por duna un man si ta necesario pa trece tur hende back Aruba. Prome minister a gradici tur esnan cu a hunga un rol importante den e proceso di buskeda of cu a yuda di un of otro forma pa asina awe tur hende ta bon y pronto back cerca nan famia.

Fuente: http://www.diario.aw