(Aruba) Polis tras di grupo Venezolano sospecha di ladronicia

Recherche ta investigando caso di ladronicia riba diferente turista rond di nos isla. Durante dia ayera nan a bolbe dal abou turistanan cu tabata disfruta di nos beachnan den area di Malmok.

Polis tabata atento pa un Jeep señala como jeep sospechoso.

Tabata algo prome cu 5or di atardi cu e Jeep busca pa autoridad a keda señala na e compania unda a huur e . Na Wayaca Polis a bin para e Jeep pero e homber cu tabata maneha a sali y a huy na pia.

E otro ocupantenan, dos señora a keda deteni. Den auto tabatin un menor di edad tambe. Polis a cuminsa un buskeda grandi den area pero no a logra pone man riba e chauffeur pero e Jeep en cuestion a keda confisca.

Fuente: http://www.diario.aw