lunes, 3 de agosto de 2015

Canciller venezolana trató temas bilaterales con Primer Ministro de Aruba

(+Papiamento) Minister Delcy Rodriguez, encarga cu Relacionnan Exterior di e Gobierno di Republica Bolivariano de Venezuela a topa cu Prome Minister Mike Eman durante su bishita na New York, pa e reunion di siguridad di Nacionnan Uni. E Minister Venezolano a publica potretnan riba internet, di cual e ta elabora riba su reunion cu e representante di Reino Hulandes.
Fuentenan bon na altura a indica cu a atende varios asunto crucial den e relacion entre specificamente Venezuela y Aruba. Ta conoci cu PDVSA, via su compania na Merca, Citco, ta mustrando masha interes pa tuma refineria Valero over. Kico ta resultado di e reunion no ta conoci pa nos, pero si tin confirmacion cu e asunto di Valero tabata por lo menos un di e temanan cu a discuti.


Locual ta duna e encuentro aki e peso necesario ta presencia tambe di Ex Minister di Energia di Venezuela, cu awendia ta Embahador di Venezuela na Nacionnan Uni. Claro cu e conoce delaster un detaye di e deliberacionnan cu a tuma luga den pasado caba y di e interes actual pa habri un refineria di PDVSA na Aruba, pa asina procesa e crudo “pisa” cu ta sali for di suela di Orinoco, na Venezuela.

Separa di Prome Minister Eman, mester menciona cu Embahador di Reino Hulandes, Karel van Oosterom, tambe tabata presente den e reunion, pa asisti e mandatario di Aruba den e relacionnan diplomatico.


E hecho cu e Minister di Venezuela mes a publica fotonan di e reunion, ta mustra toch un interes di parti di e pais bisiña pa tin un bon relacion cu nos isla. Prome cu por habri e refineria, lo mester haci un inversion grandi den renobacion y “upgrade” di e refineria.

Fuentenan ta indica cu ta atendiendo e asunto aki di un posibel reapertura di e refineria na Aruba for di algun aña caba, pero cu e ultimo lunanan Minister Ing. Mike de Meza ta dedicando atencion diariamente, via diferente canal y via diferente hende, pa explora tur opcion y oportunidad pa por habri e refineria bek. Si esey sosode, lo nifica miles di cupo di trabou y un crecemento di entre 10% pa 15% di nos GDP

Fuente: http://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...