miércoles, 12 de noviembre de 2014

Grupo venezolano prepara construcción de hotel en Aruba

El contratista e inversionista Víctor Acosta y un grupo venezolano realizó la petición formal al gobierno de Aruba para construir un hotel que llevará por nombre “Residence Inn” y tendrá un costo de 60 millones de florines, según informó el diario de Aruba.

Grupo Venezolano kier traha un Hotel na Bubali

E inversionista y contratista Victor Acosta y un grupo a haci un peticion oficial na Gobierno pa construi un hotel, conoci bou di e nomber “Residence Inn by Marriott” dilanti Quinta del Carmen na Bubali. Ta trata aki di un proyecto masha grandi di alrededor di 60 miyon Florin, riba un tereno propiedad masha grandi mes.
Ta for di algun tempo caba cu e grupo aki ta cana cu e idea pa realisa e proyecto hotelero aki. Nan a cumpra e tereno grandi dilanti Quinta del Carmen na Bubali for di un famia, e ta un tereno propiedad. Pero asina mes, como cu eybanda tin problema serio cu rooi y awasero cu ta keda para, a pidi Gobierno un pida tereno adicional cu ainda nan no a haya.

E plannan concreto ta pa traha tres edificio banda di otro, un lo bira un “Shopping Mall” combina cu un “Conference Center” masha grandi mes, cu lo por acomoda riba 1000 persona na mes momento. E di dos edificio lo ta di tres piso den cual lo acomoda algun condominio, cu ta un “trend” nobo na Aruba cu ta masha exitoso mes, specialmente entre Venezolanonan y Mericanonan cu ta buscando un di dos cas. E di tres edificio lo bira un hotel di mas o menos 200 camber. No a haci peticion pa casino den e proyecto aki.

“Te ainda nan no a keda cla cu e permisonan, ni pa e tereno adicional ni tampoco a haya aprobacion di DOW pa e diseñonan presenta. E permisonan necesario pa construi un hotel di e tamaño aki mester bini di Conseho di ministronan pasobra tin varios Minister y Departamentonan envolvi”, asina un fuente halto den Gobierno a sigura na nos. Pero di otro banda, nos tin informacion clave cu no tur Minister ta na fabor di construccion di mas hotel, specialmente entre Minister Benny Sevinger di Infrastructura y Otmar Oduber di Turismo tin un diferencia di opinion. Un no tin problema pa otorga permiso pa e hotel y e otro si tin un problema.

Di otro banda mester bisa cu Victor Acosta tin un trayectorio impresionante den e mundo di construccion y maneho di proyectonan di residencia of hotel. E ta maneha 1st Option Real Estate N.V. cu ta envolvi den proyectonan manera Palma Aruba y Oceania. Residence Inn by Marriott ta un marca renombra na mundo entre hotelnan pa huespednan cu ta opta pa keda pa dianan largo den un hotel. Jack De Boer a lansa e cadena di hotel aki na aña 1975 y Marriott International a cumpr’e over na aña 1987. Na luna di Mei di aña 2011 a conta cu no menos di 600 hotel Residence Inn na Merca, Canada y Mexico. E lema di e cadena di hotelnan ta: “it’s not a room. It’s a residence”. Esaki tabata e prome cadena di hotelnan di estadia largo na Merca y tabata un di esunnan cu a lansa e concepto di “suite” den un hotel.

Historicamente, e apariencia usual di un hotel Residence Inn tabata un edificio principal, yama e “Gatehouse”, den unda tin e front desk, un area comun pa ofrece cuminda y un laundry cu ta traha cu moneda, un piscina y un gym. Anto pafo tin varios edificio chikito estilo condominio of compleho di apartamento den cual e cambernan ta ubica.

Sinembargo, awendia ta nota cu a cambia e diseñonan di Residence Inn masha, den cual ta purba di tin tur servicio, acomodacionnan y cambernan hunto bou di un solo dak. E cambernan ta hopi mas grandi cu un camber di hotel tradicional, 137 meter cuadra pa un camber standard y 229 meter cuadra pa un camber di ocupacion dobel.

Den contraste cu e otro marcanan di Marriott di estadia largo, Residence Inn ta competi den e segmento di e hotelnan “upscale” hunto cu Staybridge Suites di e cadena InterContinental, Hyatt House by Hyatt y Homewood Suites by Hilton.


(PULSE AQUÍ PARA VER COMPLETO)

Fuente: Con información de http://www.diario.aw

3 comentarios:

  1. Buenas tardes, habrá posibilidades de conseguir empleo en este nuevo hotel que se piensa construir en Aruba? Soy venezolano. He trabajado en hoteles vomo macuto sheraton y caracas hilton soy abogado detective privado y jubilado del ministerio de relaciones interiores y justicia.gracias. --- mi hotmail es abogrcastillo73@hotmail.com
    rafael castillo
    https://www.blogger.com/profile/14376117042757908255

    ResponderEliminar
  2. Buenas Tardes,Soy Arquitecto, ademas de experiencia en Construcción e Inspección de Obras Civiles y Arquitectónicas...Me gustaría trabajar en Aruba y formar parte de este Equipo de trabajo para la Construcción de este Hotel....mi correo es: guanipammarcos@gmail.com ---

    ResponderEliminar
  3. Nesesito trabajo x favor de lo q hayga yo le echo vola a todo

    ResponderEliminar

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...